هلا حبوباتي من يومين قابضه المطبخ واسوي الحبه الحمرا او التفه ,البارحه سويتها بالحليب وطلعت روووعه ماشاءالله خلصت واليوم بعد سويتها بالسكر المحروق بعد طلعت حلوه وللاسف بس صورت اللي بالسكر المحروق وباجر ان شاءالله بسوي لكم اللي بالحليب وبصورها
وهاي طريقه السكر المحروق
اول شي تحمصين الطحين كميه وخليها عندج وعقب
حطي في الجدر كوب سكر واحرقيه وعقب حطي عليه كميه من الماااي وصبي عليه ماي ورد وسمن عربي وهييل زعفران وفلفل اسود وبعدين يبي مله حطيي 3 فناجين طحين محمص وحطي عليه مايي لين ماتكون عندج عجينه شرا عجينه الكيك اوكى وصبيها عليه واخلطي واخلطي وانزين وطبعا بتكونين مجهزه الحبه الحمرا وانا اغسلها بالمنخال مال الطحين بسرعه بسرعه اغسلها لان الحجم يكبر بسرعه وحاول تعصرينها وهيه بالمنخااال وع طول صبيه فالجدر وظلي حركي حركي وبيغلظ شوي واتذوقي السكر لو جفتيه ناقص عادي حطي ولو تبينها سائلة زياده زيدي الماااي وخليها تغلي
وهاي طريقه الحليب
اما الحليب اسهل سوي حليب وحطي فيها السكر عادي وحطي فلفل اسود وماي ورد وهيل زعفران وسمن عربي وعقب حطي الطحين المحمص اللي فيه الماي وعقب الحبه الحمرا وخليه يغلي وبسسس
انا احبها بالحليب والكاستر د تطلع لذيذة وبس احط لها سكر من غير بهارات
تطلع لذيييييييييذة
اول شيء افور حليب – بودر او طازج واحط عليه سكر = حسب الرغبة
وطبعا اكون منظفة الحبة الحمرا ومودنتنها في ماي واصبها ع الحليب واخليه يفور لين الحبة تنطبخ عدل وعقب اذوب شوية كاستر بماي اوحليب سائل واضيفه ع الجدر
وبالهنا
ا
sugarpiece
عباره عنب حبوب لونها احمر ,,عند العطار والسوبر ماركت قولي لهم ابا حبا حمرا بس نظيففه
يزاج الله خير..