الصلاة والسلام على سيدنا محمد اشرف خلق الله و اله وسلم
بنات لو سمحتن اباكم تساعدوني في محتويات الكوكتيل اللي ابا اسويه كل صبح باذن الله الواحد الاحد
انا ماشتهي اتريق و هالشي موب زين خاصة لاني ادرس و وااايد اتعب في الدراسة .. جامعة ماشاء الله اتعبنا جسديا و نفسيا و فكريا .. لا اله الا الله
وعشان جيه ..احسن شي الحليب صح ؟ لكن ماشتهيه
فحصلت حليب صويا بالككاو وهذا اللي ابغيه …
و حبيت تساعدوني اضيف ااشيا و ياه شو اقتراحاتكن يا سيدات ؟
فكرت انا حليب الصويا بالكاكاو + موزة كاملة (في الخلاط يعني)
اتمنى تعاونكم و شكرا
وشكرا توصلت لمكونات الكوكتيل ان شاء الله بس اتفيج و اسويه
^^
انتي قصدج شو الاضافات اللي ممكن تضيفينها بحليب الصويا؟
اذا عندك فواكه مشكله مثل : (العنب-التفاح-الموز-فراوله-كيوي-اي فاكهه)
قطعي الفاكه وحطيها في خلاط اضيفي عليها قليل من السكر وقليل من الماء وقليل من اي نكهة عصير بودره اوسائل
وخلطيهم مع بعض .
وصحتيه وعافية
اختك مها فارس