الشمس من ويين طالعه اليوووم؟!!!!! أم الشيـــوخ دااشه المطبخ لا ومصورة بعد عشانكم
في البدااية… بصراحه أشكر هالمدونة الرائع وخاصة هالقسم لاني قبل شهرين بالضبط مااكنت اعرف اسوي الا بيض… والحيين اطورت ^_^ قمت اسوي فطاير وبيتزا ولقيمات وكرواسون وشوربات والحين بدييت في الكوكييز ^_^ ميرسي عن جد ميرسي…
المهم ندخل في طبخة اليووم…. انا مدمنة كووكيييز اسبشلي اللي فيه حبات ككاااو
ودورت في النت ع طريقة عمل هالبسكووت وحصلتها بالانجلش وسويتها والحمدالله نجحت الطريقة والكل عيبه وسوييت كمية كبيره ووزعتهم ع خواتي وقاموا يحطوون منهم حق عياليهم في LUNCH BOX حق السكوول…
يلا نبدا بالطريقة والمقادير… اسمحولي عالتصويير مب بروفيشينال
1 كوب زبدة طريه غير مملحة (200 غرام)
3/4 كوب سكر أبيض (150 غرام)
3/4 كوب سكر بني (150 غرام)
بيضتين كبار + 1 1/2 ملعقة شاي فانيلا
2 1/4 كوب طحين رقم 1 + 1 ملعقة شاي بيكربونات الصودا + 1/2 ملعقة شاي ملح (ننخل المواد الجافه مع بعض في طاسه منفصلة)
1 1/2 كوب ككاو هيرشي
اول شي نسخن الفرن على درجة حرارة 190 ونبدا نسوي الخلطة
نحط الزبدة ونشغل الجهاز لين ما تلين الزبدة شوية وتستوي مثل الكريمة وبعدين نضيف البيضتين والفانيلا ونخلط…..
نسييت اصور هالخطوة ^_^ السمووحه
وبعدين نضيف الطحين والملح و BS ونخلط وبنحصل على هالنتيجه
وبعدين انضيف الهيرشي ونخلط بخاشوقه
وبعدين بخاشوقه عاديه انحط مثل الكور في الصينية انحط كور صغيرة بين كل كورة والثانيه 5 سم تقريبا وطبعا ماننسى ورق الزبدة عشان البسكوت مايلصق بالصينية…
واندخل الصينيه الفرن تقريبا من 12- 14 دقيقه اول لين يتغير لون البسكوت للذهبي او البني الفاتح
وهااي اول دفعه طلعت من الفرن ولازم اتخلون البسكوت يبرد عشان يكوون مقرمش ^_^…. اسمحولي نسييت اصور صورة جماعية للكمية كلهاا
وبسسسسسسسس ان شاء الله يعيبكم البسكووت ولاتنسوون تدعولي
تسلميين الغاليه
تسلمييين حبوبه .. وان شاءالله بجربها..
ربي يعطيج العافيه..