البارحه شفت موضوع اختي أم عمر3
واللي اسمه مناقيش البصل سهلة جدا و طعمها اروع (صور)
وحبيتها الفكره وقلت ان شاء الله بجرب.. وهذا رابط
https://uaewomen.net/showthread.php?t=204176
وبأمانة طلع ايجنن .. ماتوقعت يحبونه اخواني لانه فيه بصل وطماط وهم
مب وايد ويا البصل والطماط … والحمدلله عيبهم وقالوا لذيذ رغم انه كان حار
شويتين… فيزاج الله خير يا ام عمر والله يحفظلج عمر
المهم…
أنا سويت بنفس طريقتها ولكن بحبات صغيره مثل البيتزا الصغيره
وسويت بحشوتين …. طريقة اختي ام عمر وطريقة ثانية بالجبن
سويت عجينة العشر دقايق واللي هي
2 ملعقة طعام خميرة فورية
1 فنجان سكر
1 ملعقة طعام ملح
2 ملعقة حليب بودر
2 كوب ماي دافي
2 كوب طحين
خلطتهم مع بعض وتركتهم اكثر من عشر دقايق تقريبا نص ساعه تركته
( وفي هالفترة كنت اجهز العدة )
بعد نص ساعه زدت عالعجينة
2 ونص كوب طحين
12 نص كوب زيت
وخلطتهم وتركتهم تقريبا ساعة
وطلعت العجينة فظيييييييييييييييعه جدا
اتجنن وفي الأكل خفيفه ولذيذة
وفي هالفترة اللي خليت فيها العجينه بديت اسوي الخلطة اللي قالت عنها ام عمر
لكن غيرت فيها اشياء ( في المره اليايه بخفف الفلفل لانه كان وايد حار )
ومقادير الخلطة البصل :
5 حبات بصل مفرومة
2 طماط مقطع صغير
2 ملعقة كمون حب
2 ملعقة فلفل احمر
2 بيض
بقدونس مفروم
ملح حسب الرغبه
الطريقة:
حطيت الزيت عالنار .. وعقبها حطيت البصل والفلفل الاحمر وحركتهم
ولما ذبل شوي البصل زدت عليه الطماط والكمون والملح
ولما ذبل الطماط وريحته تكون حلوه
حطيت عليه بيضتين بس مب مره وحده.. حطيت بيضه وخلطتها وعقب الثانية
وهاي صورتها
حطيت عليه البقدونس
بعد ماخلطتهم مع بعض وطفيت النار
الحشوة الثانية هيه حشوة الجبن
دوم اسويها وواايـــــــــــــد يحبونها
المقادير:
1 علبة جبن فيتا التعاون الاسلامي
بقدونس مفروم
2 بيض
شوية زيت زيتون
الطريقة:
اهرسي الجبن بالشوكة لين ماتصير مثل الكريمة او اللبنة
وحطي عليها البقدونس وحركي وعقب البيض وعقب الزيت
وممكن كله مع بعض ..
وهاي صورته… لاياثر فيكم الشكل لانه الطعم روعة
خلصنا من الحشوات الحين بنسير للطريقة
وهيه عاديه ومعروفة نفس طريقة البيتزا الصغار اللي اعشقهم
والحين الصور هي اللي بتتكلم
أخليكم مع الصور
بعد ماظهرته من الفرن… وجاهز للاكل
يستاهل التجربة لانه طعمه يديد وغير عن المعتاد
والمره اليايه بسوي وياه نقانق .. وربيان
وان شاء الله اتفيج واصور مثل اليوم
في انتظار مروركم وتعليقكم
المشاركة الأصلية كتبت بواسطة حور العين1 
الله يسلمج ويعافيج حبوبة
وتسلمين على مروج وكلامج الطيب
المشاركة الأصلية كتبت بواسطة أحلى زعل هلا فيج اختي
احم احم اخجلتم تواضعنا لول
تسلمين عالكلام الطيب
ونصيحة جربي لانه لذيذ … وغير عن الطعم المعتاد
وتسلمين عالكلام اللي طيرني فوق لول … وفي انتظار اتيربنه وتعليقج
وبالعافية مقدما حبوبة