علموني اسهل طريقة لهالاكلات دخيلكم طبخ الامارات

ثاني شي معكرونه بالبشاميل : ديايه مفوره ، بصل ، ثوم ، طماط مقشره ومفرومه ، علبتين ماجي ، صلصل ، بشاميل ( 3 ملاعق زبد 3 ملاعق طحين كوبين ونص حليب ) ، معكرونه مسلوقه ..

نقلي البصل في شوية زيت ونضيف الثوم وبعد ان يتغير لونهن نفتت الديايه ونضيفها على البصل ثم الطماط وبعد نضوج الطماط نضيف الصلصل والماجي وقليل من البهار .. اخر شي حضر صحن فرن ونحط اول طبقه من المعكرونه عليها
ملعقتين من البشاميل ونخلطهم ثم صلصة الدياي .. ثم طبقة المعكرونه واخر شي طبقة البشاميل وفوقها قليل من الموزريللا ..وندخلها الفرن

ثالث شي المرقوقه : طريقها بالدياي ..تفورين ديايه وتقطعين الدياي قطع متوسطه من غير عظم ..بصل ، ثوم ، زنجبيل اخضر مهروس ، بطاطا مقطع مكعبات ، جزر مقطع مكعبات ، كوسا مقطعه مكعبات ، بهارات مشكله ، طماط مقشر ومفروم ، وصلصل وخبز لبناني مقطع ( انا اسويه بالخبز اللبناني ) لومي يابس ، جرفه ، ماي ..
اتسوين الصالون عادي يعني اتحمسين البصل المفروم وثم اتضيفين له الثوم والزنجبيل لين تطلع عندج ريحة الثوم واتحطين الطماط واتخلينه ينهرس عدل واتضيفين له الدياي المقطع واتجلبينه اتضيفين البهارات والماجي واللومي اليابس واتحطين الماي الحار وبعدين الخضره المقطعه لين اتحسين انه الصالون اغلظت اشويه اتحطين الخبز لين اتحسين انه الخبز اتشرب الصالون اتغطينها وتخلينها على النار شويه وبعد ما اتحسين انها خلاص اطفين عليها واتغرفينا في صحن وتصبين عليها دهن الدار …

ارجو اني اكون افدتج … السموووحه