مرحبا خواتي
اخباركم ان شاء الله بخير
بقولكم قصه اول شي خخخخ
طلبنا مره من مطعم "عالم الطعام" اللي في العين اكل هندي المهم يابو معاه صلصه او صوص او ما دري شو هي بس لونها بني وااااااااااااااااااااااااااااايد حلو ولذيذه وخاطري اتعلمها ..
ف اللي تعرف طريقتها تكون بني فاتح انا ما اعرف شو اسمهما بس لذيذه ما تكون حاره وااايد شوي بس مو عارفه من شو مسوايه من العدس او فول بس لذيذه
اللي بتخبرني جزاها الله خير
هي كل المطاعم الهندية تقريبا يحطونها
او اللي تعرف طريقة اي صوص او شي جنب البرياني ينحط جزاها الله خير
واسمحولي طولت
المشاركة الأصلية كتبت بواسطة ro0o0osa 
اختي اقصد الصوص او الشوربة اللي تنحط في المطاعم الهندية شو اسمها او شو طريقتها
المشاركة الأصلية كتبت بواسطة غايه الدلوعه اختي هي تي ويا البرياني يعني يبونها بروحها والبرياني بروحه كل المطاعم يو تطلبين من عندهم يعطوج شوربة او صوص او صالونه بصراحة حلوه اذا تعرفيها خبرينا
بصل جوانح
زنجبيل مقطع شرايح رفيعه شرات عيدان الكبريت
بهارات كاري مدراس + كركم + بهارات الصالونه ماركة شان
معجون ثوم مع زنجبيل
صبار مودن في ماي
معجون طماط
طماط مقطع الصغار
كزبرة مقدار كف اليد
معجون فلفل اخضر مع كزبرة تطحينه في الخلاط
حبتين طماط في الخلاط ويا كوب ماي مطحونين
سنوت حب
سمن المراعي
في الجدر حطي السنوت لين يقلى حطي البصل يقلى عدل
عقب الثوم والزنجبيل ومعجون الفلفل وعقب الطماط مقطع
وأحمسية عدل حطي الكبرة وبعدين معجون الطماط
وحطي البهارات كلها
ضيفي عليه صلصة الطماط المطحون في الخلاط وبعدين صلصة الصبار
وخليه يفور شرات الصالونه والأهم تخلينه شوي يثخن
إذا شفتيه شوي غليظ ضيفي شوية ماي
أتمنى أني أفدتج
مثل ما قالتغاية الدلوعة وأظني يضيفون لها الكاجو المهروس