منو تعرف شيء عن بهارات الشاي والقهوة.. للارامل

صباح الخير..خواتي..إللي تعرف تسوي بهارات قهوة والشاي..تعلمني؟؟وإذا تعرفون في حد يبعهن في منتدانا تدلني..وألف شكر..

هلا أختي — للقهوه تحطين زنجبيل وهيل وجوز الطيب ومسمار وماي ورد وزعفران — والشاي الحليب تقدرين تحطين له زعفران – أما الشاي بدون حليب حطيله هيل وقرفه ونعناع وزعفرانبس كل واحد بروحه—

انا مره شفت علبه صغيره ،، مكتوب عليها بالهندي ،،
وكانت بهار للحليب ،،

شي اسمها مسالاي ،، مم ماحيد والله ،، بس طعمها كان يعطي الحليب نكهه غير

فيه طعم الورد والزعفران وحبات فستق ،،

اكيد بتحصلين منه في قصر الهند يبيعونه

انا اول مره اسمع حد يحط زنجبيل في القهوه احيده في الحليب

اختي القهوه بهاراتها هيل وزعفران تفورين القهوه في الماي عكب تيبين الدله تحطين فيها زعفران وهيل وتحطين القهوه

اما الشاي الاحمر فبهاراته وااااايد الجرفه الزعتر الهيل الزعفران وماي الورد
الشاي بالجرفه تفورين الماي والشاي والسكر وشوية قرفه
الشاي بالزعتر تفورين الشاي والماي والسكر ويا شوية زعتر

الشاي بالهيل نفس الطريقه
الشاي بماي الورد والزعفرا فوري الماي والسكر حطي في الدله 3 اكياس ليبتون وزعفرا ن وماي ورد

الشاي بالحليب فبهاراته الزنجبيل الهيل والزعفران
تقدرين تفورينه بالزنجبيل وتقدرين تفورينه بالهيل والزعفران لاتفورينه لان راح يروح طعمه دايما خليه في الدله

ما عندي فكره