يووووم بيوون الحريم يخطبون ويشوفون البنت اول مره لاناقة المرأة

انا يوم انخطبت مره وما استوى نصيب كنت لابسه جلابية حرير زيبرا كم طويل و فيها حزام سوارفسكي

و يوم وقت الشوفه لبست شيلتي طقم ويا الجلابية و اتحجبت و طلعت لأنها ساتره =)

اما بعض البنات يفضلون يلبسون عباه فوق اللبس وقت النظرة الشرعية و هالشي راجع لج بس المهم يكون لبسج ساتر سواء بالعباه ولا بدون العباه

المكياج لازم ما يكون اوفر و الوان و حفلة .. يعني اللهم بودره خفيفه و جحال و روج هادي

عشان تطلعين بـ لوك طبيعي و ناعم و بعد لانهم اكيد يبغون يشوفون البنيه على طبيعتها !

وقت النظرة الشرعية اعتقد مافيها شي لو حطيتي جحال ولا ماسكرا ولا قلوس خفيف لان هالميكب الخفيف ما يغير الشكل ومافيه غش ولا تدليس ..

و بعد مب حلو تطلعين جلحه ملحه و يشرد الريال خخخ خصوصاً اللي متعوده تتجحل شكلها مريضه بدون جحال

و اما عن الشعر حسب عاداتكم لان بعض العوايل يوم يخطبون لازم يشوفون شعر البنيه و الطول و هيك .. عشان جيه بعض البنات ينشلون شعورهن جدام الحريم و بعضهن لا

انا عن نفسي استشورت شعري و فتحته لانه طوييل و غليظ ما شاء الله =)