يوميات * فديت عيالي * مع رجيم الأخصائية ( النادرة ) سلامة الحمل

كل عام والجميع بألف صحة وعافية وان شاء الله الكل يوصل للرشاقة…

خواتي شلونكم؟ عساكم بخير؟

حبيت أفتح موضوع جديد وأحط يومياتي مثل خواتي الي بهالقسم وأتمنى

من أخصائيتنا ( النادرة ) ، الله يعطيها العافية ، اتابعني وهي ماشاء الله

عليها ما تقصر أبدا ، الله يجزيها الخير ويكون في ميزان حسناتها يارب.

خلوني أعطيكم معلومات عني أنا صار لي والدة من 7 شهور والحمد لله

أرضع، طولي 1.65 ووزني 80.5 أتمنى يوصل وزني 68 ، بتقولون

وايد بقول لكم لأ، لأني يمكن شوية عريضة ولما يكون وزني 68 يكون شكلي

منيكان الا اذا كان لأخصائيتنا كلام ثاني.

الي حابة تشاركني حياها الله وهذي الساعة المباركة بس اهم شي الالتزام

وممارسة الرياضة .

مثل ما ذكرت اختنا ( النادرة ) ان الرياضة مكمل للرجيم ويد وحدة ما تصفق.

أبدأ الحين مع يومياتي

السبت : 8 / 8 / 2024

الصبح: تريقت 2 سلايس + 2 ملعقة جبن لايت + ملعقة مربى لايت .

الضحى: برتقالة.

الغدا: نص خبز لبناني + 2 همبرجر مشوي + سلطة + لبن قليل الدسم .

العصر: نسكافية + بسكوت go a head

العشا: صمونة + بيضة مسلوقة + شريحة جبن بدون دسم + طماط وخيار + عصير أناناس.

وبس بحاول من باجر أصور وجباتي واحطها بالموضوع …