أنا الحمدلله طبيعيه وعندي عيال الحمدلله بس صارلي فتره أحاول وما يصير حمل لين دكتورتي نصحتني بالتلقيح واستخرت كذا مره وسبحان الله تيسرت الأمور ورحت لمركز فقيه للأخصاب وبديت مع الدكتوره مونيكا
الدكتوره أسلوبها جدااااا راقي وأعطتني أكثر من وقتي وهي تشرح وكل شوي تسألنا إذا عندنا استفسارات
اليوم الأول كان يوم السبت 1-6-2016
ثاني يوم للدوره رحت وشفت الدكتوره وسوتلي سونار تشوف بطانة الرحم والمبيض والحمد لله كل شئ كان أوكي .. خذو عينة دم مني ومن زوجي وعقب خذت أبره تحضيريه فالبطن..
يوم الأحد 2-6-2016
رحت عطوني أبره تحضيريه ثانيه فالبطن وإبرة مضاد حيوي فالعضل.. وعطوني حبوب مضاد حيوي لمدة 5 ايام وحبة فوليك اسيد،،
الاثنين والثلاثاء قالتلي الدكتوره مافي شئ والأربعاء عندي موعد سونار ومن بعد ما تشوف البويضات بتحدد جرعة المنشطات الي باخذها ولمدة كم يوم ..
حاسه بخوف ومرتبكه يمكن لانها اول تجربه
يا ريت الي جربت عند الدكتوره مونيكا في مركز فقيه الجديد في ابوظبي تخبرني انطباعها…
انا من الاول المتابعين وياج باذن الله
انا جربت اطفال انابيب عندهم مرتين وما فادني للعلم اني اعاني من تكيسات مبايض وريلي سليم الحمدلله
بس فالحالتين ما نجحت اسباب مجهولة مع ان الاجنة كانت ممتازة
ان شاء الله تنجح وياج بما ان ما فيج شي
موووووووووووووووفقة
المشاركة الأصلية كتبت بواسطة dezert 
انا من الاول المتابعين وياج باذن الله
انا جربت اطفال انابيب عندهم مرتين وما فادني للعلم اني اعاني من تكيسات مبايض وريلي سليم الحمدلله
بس فالحالتين ما نجحت اسباب مجهولة مع ان الاجنة كانت ممتازة
ان شاء الله تنجح وياج بما ان ما فيج شي
موووووووووووووووفقة
قريت تجربتج معاهم كنت أسوي سيرج قبل ما أبدا وسمعت ناس تمدح وناس تذم بس عن المركز اليديد ما سمعت تجربة حد .. ولين الحين أشوف اهتمام عكس الكلام الي سمعته بان إهمال والنيرسات يسون كل شئ.. كل تعامليه لين الحين مع الدكتوره .. الله يرزقنا الي فيه الخير يا رب أنا استخرت رب العباد وهو الي يسر.. الله يرزقج بدون أنابيب وخلج متابعه بأجر موعديه معاهم العصر ان شا الله