يومياتي (مستمرة بدرب الرشاقة باذن الله) للحم الصحي

عدت لكم والعود احمد … ايام عشتها بربوع هالقسم تخليني اشتاق له الفترة الماضية واشتاق للحظات الحلوة اللي عشتها فيها خاصة مع الصبايا في القروبات كنا شرات الخوات نسولف عن كل امورنا الحياتية قبل الريجمية ولا كانه اللي يربطنا انترنت كنا كانه خوات جامعنهم بيت وايد نفضفض لبعض ونواسي بعض ونعاتب بعض

رجعت للقسم باذن الله بها الايام الفضيلة ومابتركه الا لما اوصل هدفي ونص

حابة اخبركم اني من فترة سويت عملية والحمدالله شفيت منها وهيه كانت عبارة عن كيس دهني لكن بعد العملية قمت اشتكي من الالام ناحية الكلى وشكيت بحصى او شي من هالقبيل لما رحت العيادة النسائية اكتشفت اصابتي بالقولون العصبي ووجود رمل بالكلى بنفس الوقت وصرت اعاني من اعراض القولون بالايام الحمدالله على كل حال

ونصحتني الدكتور اني لازم اغير نمط حياتي واتأقلم على نمط حياة جديدة اودع فيها السمنة وكل ماهو مرتبط فيها منها الاكل الحار والبهارات والبصل والثوم والحلويات والغازات والفلافل والبقول والسبانخ والعدس

(بسرد لكم خلاصة تجربتي مع كيفية معرفتي بنوع الاكلات اللي ماصارت تناسبني وشو نوع المعاناة اللي تعبتني بالحيل وصرت ادور له الف حل وحل

اول شي اعرفكم بنفسي

مكانه في قلبي

وزني :- 80.5

الطول :- 165

العمر :- 27 سنة

مرتبطة او لا :- عزباء وبكل فخر

في فيتامينات دخلت حياتي بها الفترة وصارت جزء من يومي الا وهيه

فيتامين :- كروماكس قبل كل وجبة بنص ساعة مكمل غذائي على حسب كلام طبيبتي انه المفروض يأثر على شهيتي ومايخليني اكل بزيادة صار لي اسبوعين استعمله ماحسيت باي فرق

بعد الريوق :- حبة cran biotix تنظف الجهاز الهضمي وممتازة للقولون وحبة سنترم فيتامين ومكمل خاصة اني اخر فترة صرت وايد ادوخ من الريحيم خاصة اني مااكل لالحم ولاسمك والدياي مااكله الا اذا كان كباب او شيش او برجر مشويين طبعا

بحطي لكم باجر تفصيل يومي بنفس الوقت اتريوني

طبعا يومياتي هذي لقبل رمضان باسبوع بشرح لكم نظامي برمضان يوم الجمعة القادم باذن الله … نسيت اقول لكم اني اليوم اول يوم دورة بس ماتفرق معاي اول يوم ولااخر يوم وزني نزل او ثبت المهم اني اتبع نظامي الصحي لصحتي قبل وزني لانه معاناتي مع القولون كشفت لي انه صحة تاج على راس الاصحاء ولازم نحمد ربنا عليها بدل المرة الف الحمدالله حمد كثير طيبا مباركا

تصبحون على خير