شحالكم
حبيت احطي يومياتي الرياضة هني
الكل يحطي يوميات الرجيم
انا قلت بغير
انا اتبعت هالبرنامج قبل لمدة 50 يوم و كنت ملتزمة جدا
و تغير جسمي 180 دجة
و كنت صدق متغيرة وايد و الكل ف الجم من اللي يعرفني سألني كيف حتى اللي تنظف الحمامات سألتني 
بس للاسف مريت بظروف و وقفت
و صارلي 3 شهور للحين موقفة
و ببدا من اول و يديد
و قلت بحطي يومياتي هني عشان الكل يستفيد
و البرنامج عبارة عن ،،
كل يوم عندي تمرين مختلف و كل يوم منطقة معينه
اول اسبوعين مب صعب وايد
بس بعدين وايد صعب بس حلو التحدي
و بس
من تاريخ 29 ببدا رجيم الديتوكس لمدة 4 ايام لاني ابي اتخلص من سموم و سوائل جسمي قبل ما ابدا البرنامج ابي اكون خفيفة و ابي بطني سيدة
ماحب ادش الجم مع كرشة
و تاريح 2 /9 ببدا برنامجي
و تشجيعكم يهمني
ولا تنسين تصورين لنا الاجهزة اللي بتستخدمينها ^^
عسب الكل يستفيد 
بتسوين خير لو بتفيدينا عن الرياضه
للي اتسوينه
بس حابه استفسر عن رجيم الديوتكس؟؟؟ شو هالرجيم؟ ممكن تكتبينه؟
ارجو منج خلال هالثلاث شهور وانا واثقه من كلامي لو طبقتي الي اقولج اياه راح تصعفين حسب جهدج الرياضي
اول شهر رياضه يوميا لمده نص ساعه لو كنتي لايقة صحيا خليها ساعه وثاني شهر ساعتين
الاكل كلس كل ماترغبين به بشرط استبدلي العيش بالكينوا ومرة واحده كلي عيش بالاسبوع
واستبدلي المعكرونات والخبز بالخبز الحبوب ونخاله
خمس وجبات او سته يوميا ونتظمي وراح تلقين صحه كلامي
اضمن لج شهريا خمسة الى اربعه كيلو بيطرون طياااره
ريوقج وغداج وعشاج صحي
ثلاث وجبات رئيسيه ووجبتين او وجبه سناك
وكله صحي
القوقل مش مقصر والله
الاولى وهي تسخين خمس دقايق اما نط حبل او هرولة بمكانج او عالجهاز
وبعدها تمارين سويديه واخر شي رفع اثقال تابعي اليوتيوب وتعلمي واكيد عندج خبره
الثانيه صعبه شوي بس مضمونه بالاسبوع تنزلين كيلوين
رياضه مجهده بس ان وزنج زايد راح تتعبين جدا
ركص عالجهاز وهرولة ةمشي بنظام hiit
لمده نص ساعه
ونص ساعه تمارين حديد
يعني ساعه صباح وساعه مساوراح تصعفين وبقوة