شحالكن خواتيه ..
طبعا قريتن الموضوع الأول ..
https://forum.uaewomen.net/showthread.php?t=415419
بخبركن بالي صار مبارحه ..
مبارحه فليل ع الساعه 11 .. رن تلفون بيتنا .. وانا رديت .. وقلت اكيد من ربيعات اختيه الصغيره ..
محد غيرهن يتصلن هالوقت ..
الموهيم .. انا رديت .. وصوت حرمه عوده .. و قالت ليه وين فلانه .. الي هيه انا ..
قلت الها .. انا .. خير منو انتي .. قالت ليه انا خالة ريلج ..
قالت ليه شو صاير بينج وبين ريلج ..
قلت الها دامج تقولين انتي خالته ما سالتي هو شو الي مستوي ..
قالت ليه هيه سالته .. ومن قالت هالكلام بدت تسب ..
انتي يالسيلانيه يالميناويه يالايرانيه .. يالي ما شفتي الخير .. طالعي ويهج ساكنه عند الايرانيه ..
وبنت الكلب وما خلت كلمه وما قالتها ..
والله ما ودي اكتب ها الالفاااظ بس قسم بالله مجبورهـ ..
تقولن داخله حرب .. وانا مب مستوعبه الي تقوله .. ويوم استوعبت ..
انا ما قصرت رديت عليها .. لكني وانا ارد عليها بعد رديت بحق .. قلت الها دامج انتي بنت ريال ..
و متصله تسوين خير .. تعالي عنديه ارمسي .. استحي ع ويهج حرمة عوده متصله تسبين ..
والله برايه لو تسبنيه .. بس كانت تسب ابويه .. انا ابويه متوفي .. شو ذنبه تطريه هاااذي ..
وبعد تسب امايه ..
عاااد اهنيه ما قدرت اسكت عنها .. انا ما بعتبر عمره سبيتها .. انا بعتبر عمريه رديت عليها بس ..
قسم بالله دمي فار ..
ويوم كان عنديه وحطيت ع سبيكر وسمعت كل شي ..
امايا حليلها فيها القلب .. والله ما تخيلن حالتها .. والله تتنافض .. قسم بالله دمعن عيونها غصب ..
يعني وصلت المواصيل يتصلون بعد ع تلفون البيت ويسبون ..
قلت لامايه خلاص انا بسير بشتكي عليها ف الشرطه .. حقي خلاص ما بسكت عنه ..
بعد امايا من طيبها .. قالت ليه صبري .. اتصلي ف ربيعاتج وشوفي شو بيقولن ..
ما ردن عليه الا 2 ووحده قالت ليه اقصري الشر لا تروحين .. والثانيه قالت بتغلطين بعد اكبر غلط لو سكتي عن حقج .. روحي وارمسي .. عسب يكون عندج دليل ..
وظهرت مع امايه واختيه وسرت المركز .. وقلت الهم السالفه .. وانا سيفت رقم الي اتصلت ع تلفون اميه .. وقاليه الشرطه .. ها ما يعتبر دليل انها متصله روحي هاتي تلفون البيت .. ورديت رحت يبت تلفون البيت ورديت ..
وكتب ليه البلاغ .. وقلت الهم انا مب بس ابغيها هيه .. ابغي الي عطاها الرقم بعد ..
ماله اي حق تاخذ رقم بيتنا بدون استئذان .. ابغيها وابغي الي عطاها ..
تشوفون الي سويته صح .. ولا كان المفروض اسكت وايلس ف البيت .. ؟؟
والله انيه من القهر رحت واشتكيت عليها .. ويوم اتصلتبه قلت له بند ف ويهيه وغلق الفون ..
وطرشليه انا ما عليه الا من اميه وابويه ..
والصبح طرشليه خالتيه تقول انها ما سبت انتي الي بديتي السب ..
وقسم بالله انيه ما سبيتها الا عقب ما سبت هيه .. وبعد ما قلت مثل ما هيه قالت والله ..
وبعد لا وقايلتله انيه قايله الي ف بطني مب منه ..
وقلت له لو خالتك صادقه ومسلمه وتخاف ربها وتصلي .. خلهاا اتي يدامي وتقول انها حالفه ع القران انيه سبيتها وبديت بالرمسه ..
والله تعبت منهم ..
والله شوفي الي ماله سند وماله ظهر شو يستويبه .. الله يخلي الكن ابهاتكن واخوانكم ..
والله بدونهم الحياه صعبه ..
حسبي الله ونعم الوكيل فيهم .. حسبي الله ونعم الوكيل فيهم ..
حسبي الله ونعم الوكيل فيهم .. حسبي الله ونعم الوكيل فيهم ..
هذيلا عائله قاااضيه عدل ..
حشى صدق ماعنده ذره كرامه ….
ياختي توكلي ع ربج .. وانا اشوف تسيرين المحكمه وتخلصين امورج وتشوفين الترتيب
الله يصبرج ويفكج من ها البلاء الي انتي فيه …
اللهم من أراد بـ (قايدات الريم) سوء فرد كيده في نحره وأجعل تدبيره تدميرا له عاجلا غير آجلا يا ارحم الراحمين .. ربنا أعنها و لا تعن عليهاا و انصرهاا ولا تنصر عليها وامكر لها ولا تمكر عليها
حسبـي الله ونعم الوكيـل
والله انج في ابتلاء
وان شاء الله حقج بتحصلينه من الواحد الجبار
لان هو الوحيد اللي بيعطيج حقج للاخر
والله انهم ناس مستواهم وايد متدني
ولا عيل خالته تتصل وتسب!!!!!!!!!!!!
شو هاه عفانا الله
فديتج انتي مظلومة وحامل
ودعائج اسهم عند رب العالمين
اتوكلي عليه وتيقني من الاجابة
وبتشوفين كيف رب العالمين بيرد كيدهم بنحرهم
اللهم امين
اختي طنشيهم وانتي حامل الله يعينج الغاليه
حسبي الله ونعم الوكيل فيهم يارب
لا تحاتين وهذي الدنيا الغاليه
بس انتي اهم شي توكلي على الله وبينصرج عليهم
صدق ماتستاهلين …
حبيبتي هذوله الناس ابعدني عنهم…
وماظنتي اللي رخص فيج وسبج وطعنوا ف شرفج..
تييليسين دقيقه معاهم…
أدعي حبيبتي عند ربج ودعوة المظلوم مستجابه..وعن تجربه خاصه…
لا تجهضين الياهل ولاشي ..سبحـــــــان الله بيكون لج العون والسند…
واللـــــــــــــــــــــــــــــه على الظـــــــــــــــــــالم كبيـــــــــــــــــــــــــــــر…
فديتج استغفري ف اليوم ألف مره…والله مابيضيع حقج..
إذا ماكان لج أبو أو أخوو سند لج..فـــــــلا تنسيـــــــــــــــــن..
الـــــــــــــــــواحد القهـــــــــــــار اللي لايعــــــــــــلى عليــــه…
وأنا بـــــــــــــدعييي لج فديتج….
الله يوفقــــــــــــج يـــــــــــارب
(عســـــــــى أن تكرهـــــــوا شيء وهو خيـــــــــر لكـــــــــم)
والله قلبي عورني عليج
حبيبتي سيري المحكمة و لا تسكتين عن حقج ابد لأن هالأشكال ما ينفع وياهم الطيب !
و تقولين متدين ؟! اللي متدين صدق يخاف ربه في بنات الناس و في الأيتام بس هذا منافق مافيه ذرة أخلاق ولا كرامة ولا رجولة
انتي الحين حامل ما بيطلقونج في المحكمة لين ما تربين بس ع الاقل سيري ارفعي دعوة عليه و خبريهم كل شي و حطيلج محامي شاطر .. والله والله لو كنت متخرجة انا بدافع عنج بدون مقابل بس بعدنيه أدرس قانون
حياتي لا تفكرين في الإجهاض لأنه حراام و هالجنين ماله ذنب و ما تدرين سبحان الله بيكون لج العون و السند في المستقبل و بيعوضج عن كل شي
انتي بعدج صغيرة وحلوة والحياة جدامج و ان شاء الله بعد ما تفتكين من هاللوث بتحصلين ولد الحلال اللي يسعدج و بيربي ولدج احسن تربية يعني لا تحاتين الياهل لان كل انسان من ينولد رزقه مكتوب له لين ما يموت ..
اتوكلي على الله يا قلبي و استغفري الله و ادعي في كل صلاة و صلي قيام الليل و ان شاء الله ربج ما بيخيب ظنج و بترتاحين و بتتيسر أمورج
الله يوفقج ويفرج همج .. قلوبنا وياج