ياليت اللي عندها خبره بخصوص اختيار الابواب والارضيات واطقم الحمامات ياليت تدخل اهنيه

السلام عليكم ورحمة الله وبركاته

مرحبا حبيباتي،،اشحالكن،،
الغاليات بغيت استفسر عن بعض الاشياء
انا ان شاء الله الحين مقبله على بناء بيت العمر،،بس في اشياء متردده ف اختيار الافضل
مثل الابواب
باب مدخل الفيلا وابواب الغرف شو اختار (خشب او المنيوم)؟؟انا افضل الخشب احسه افضل وارقى
ما اعرف ياليت تفيدوني من خبراتكن وتجاربكن
وكم السعر المناسب او المتوقع لباب المدخل ،،والباب الجانبي للفيلا؟؟

وبالنسبه لأبواب الحمامات بعد شو اختار؟؟وكم تكون اسعارها التقريبيه؟؟

وبالنسبه للحمامات والمطابخ والارضيات،،اسويها سيراميك او غرانيت؟؟انا من رايي الغرانيت افضل بس حابه اعرف ارائكن

وكم اعتمد سعر المتر،،يعني الاختيارات اللي تكون معروضه ف السوق لشي مرتب وراقي كم يكون سعر المتر تقريبا ما بين كم لكم؟؟

وبالنسبه لأطقم الحمامات،،كم تكلفة الطقم كامل؟؟وشو يشمل الطقم؟؟

ومشكورات خواتي ويزاكن الله خير مقدما

مبارك اختي تقدرين تراجعي موضوع ميلس العمر فيه كل التفاصيل اليي تريدينها اختي بالتوفيق

.. لا إله إلا الله وحده لا شريك له
له الملك وله الحمد
وهو على كل شئ قدير ..

الله يبارك فيج غناتي،،وتسلمين،،بس حبوبه دشيته بس مالقيت الاجوبه على استفساراتي
ياليت تخبريني ف اي جزء مذكوره هالتفاصيل؟؟

يزاج الله خير

الله يعينج رحلة متعبة مع البناء

تسلمين خيتي ع الدعوه الطيبه والله يعينا جميع ان شاء الله