لا اله الا الله محمد رسول الله
((اللهم صلي وسلم على سيدنا محمد وعلى آله واصحابه اجمعين))
خير الكلام ما ابتدا بذكر الله^^
خواتي انا حامل فالاسبوع 36 بالضبط ولله الحمد
وهذا اول حمل لي وانا عمري 17 صغيروونه
اللهم لك الحمد والشكر يارب على كل شي….الحمدلله…
انا ساكنه عند اهل ريلي ومرتاحه وياهم وايد ولله الحمد
المشكله ريلي فديته دوامه ما يساعده انه يكون كل يوم فالبيت
واهل ريلي كل واحد يداوم واللي يدرس((ماشاء الله))
ويتواجدون فالبيت الساعه 3 الظهر
المشكله اني ما اعرف متى اسير المستشفى
يعني مرات احس بعوار كانه اعراض ولاده
وقبل 3 ايام ياني عوار فضيع ف ظهري وبطني وكان مستمر
واليوم الصبح بعد صلاة الفجر ياني عوار فضيع فضيع مب قادرة
اتحمله …خايفه اتصل ف حميتي او حد ثاني ويكون ع الفاضي
ما يكون آلام الولادة ..بس ما اقدر اتحمل
احس بضغط ع بطني مره ع طرف اليمين ومره اليسار كانه الياهل
يشد نفسه…واذا رقدت على ظهري شوي يخف بس الشد يقوى
ولما ارقد على الجنب مثلا اليسار ولا اليمين يزيد العوار وايد..وايد
والدكتورة قالت لي لازم ارقد على جنب اليسار عشان البيبي
راسه تحت وريله فوق بس جسمه ياي على جنب اليمين
وهو المفروض يكون على جنب اليسار
مرات احسها ما تعرف شي هالدكتورة والله 
وايد اتعور ساعدووني شو اسوي؟؟
احس بطني بينفجر ولا بينشق
لا حول ولا قوة الا بالله العلي العظيم
اللهم ارحمنا برحمتك يا ارحم الراحمين
ولا تخلين الدعاء..
انا هذا اول حمال لي وماعرف
بس والله كسرتي خاطري
لازم بنعاني من الحمل ومتاعبه
بس حلاته يوم تشوفين الظنا بحظنج
ماشاء الله صغيرونه ماتخيلج حامل لوول
الله يوفقج
وان شاء الله البنات يفيدونج
يزاكن الله خير حبووبات
صدق ما اعرف شو اسوي..تعبانه
والحمدلله مب كل انسان عمره صغير
يعتبر صغير..يكون كبير في عقله وفهمه
وتصرفاته…وادري انج ما تتخيلين اني حامل
بس شو نسوي فديتج..محد يعترض على قدره
خاصتن اذا كان فيه رزق له ومنفعه
الحمدلله على كل حال
غيرنا يعانون اكثر..والغير ما عندهم ظنا يتمنون
الله سبحانه يرزقهم
((من شاف مصايب غيره هانت عليه مصيبته))
اهم شي الواحد يدرك قيمة اللي عنده ويعرف يحافظ عليه
ويشكر الله سبحانه…الحمدلله..الحمدلله…الحمدلله