ياتري شوالسبب……………….. عالم الامومة

انا صارلي سبع سنين متزوجة ريلي الحمدالله انسان راءع يس يابنات صارلة مدة مادري شو بلاة متغير يابنات واااااااااااااااايد اغلب الوقت ساكت وسرحان ملا نفس حق اي شي وانا مااحب اضغط عليه باسالتي لاني كل ماسألته يقولي مضغوط بالشغل بس ….. بس انا اعرفه زين واحس ان في اشياء غير مكدرتنه غير الشغل بس ماعرفها

ليكون يالغالية بعد يفكر بوحدة ثانية وحدة من هاللي يطيرون عقول الرياييل حسبي الله عليهم لا فديتج تمي اسأليه شوبلاك شو مكدر عليك تراني انا ماطايقة عيشتي يوم اشوفك متضايج ومتغير قوليله بعد انا ماتعودت عليك جذي شو السالفة خبرني

لا حرااااااااااااااااااااااام عليج مجنونة ريلها لاتخليني ابدا اشك فيه ترا مب مزدادة كدر

لااااااااااااااا شوهالرمسه اختي وبعض الظن اثم بس فعلا يمكن من الشغل او عين صابته لا فديتج لاتشكي في ريلج بس يمكن من الشغل وسبحان الله كلنا نمر في اوقات اكتئاب لا اكثر ولا اقل يعني لو الحرمه مرت في مرحله اكتئاب ومالها خاطر تكلم ريلها بعد بتقولون لريلها يمكن تفكر بغيرك شو هالمنطق اسمحيلي حبوبه غلط كلامج

عزيزتي تعودي من الشيطان
ولا تضغطي على الريال وتحنين عليه بأسلتج
شوفي انتي إذا كنتي مضايقه واااااااااااايد تحبين احد يقعد يسأل شو فيج شو فيج كل شويه
لا طبعا أكيد ما تحبين !!!!
احنا ليش بنتعامل مع الرياييل كـأنهم يايين من كوكب ثاني
حطي نفسج مكانه وشوفي كيف تحبينه يعاملج يوم تكونين مضايقه
وإذا تبين نصيحتي لا تسألينه مول الريال إذا ارتاح بروحه بيي عندج يحكيلج شو عنده
ممكن سبحان الله احد مكدر عليه فالدوام
ممكن عنده ضائقه ماليه الله يستر
ممكن احد من اهله عنده مشكله ومو حاب يقولج
استبعدي اي افكار مو حلوه تيي فبالج واستبعدي انج تكون لج علاقه بمزاجه عشان تعرفين تتصرفين معاه
حاولي طلعيه من للي هو فيه بشي تعرفين انه يحبه
يعني سويله اكله حلوه خليه يستانس عليها
قوليله مشتاقه اشم ريحة البحر ودني هناك وروحي معاه وخليه يريح نفسيته بدون ما تحاولي تكلميه ولا كلمه خليه هو يتكلم بروحه سبحان الله جو البحر يخلي الواحد يتكلم بللي فخاطره كأنه قاعد بكرسي الإعتراف
او فاجئيه بحركه يعني سويله مساج
قوليه انا اشوفك مرهق شويه خليني اسويلك مساج
خليك جنبه حتى بدون كلمه المهم انه يحس بوجودك
ولا تحسسيه انك زعلانه من صمته عشان لا تزيدي عليه المشاكل ويختنق منك ومن البيت
ويحاول يدور راحته فمكان ثاني
في الكثير الكثير من الأفكار بس كوني شاطره واعرفي كيف تتصرفين
ولا تخلين الشيطان يوسوس لج بالأفكار السيئه ( ترا هاذي فرصته )
الله يوفقج حبوبه ويهدي بالج ويسخر لج ريلج
آمييييييييييييين
طمنينا عنج