شخباركم بنات عساكم مرتاحين 
وانا اتمشى فالنت مريت على موضوع عيبني واستفدت من ردود البنات
وقلت خله اشوف شو ردود البنات هنه وبالمر الكل يستفيد وان شاء الله مايكون الموضوع متكرر
نحب نشوف تجربة كل بنت في وقت الطلق
يعني مثلا.. وين كنتي اول ما حسيتي بالطلق ؟ وشو سويتي ؟
منو كان معاج وقتها وكيف تصرفتي ومنو خبرتي ؟ومنو وصلج المستشفى؟
متى جهزتي اغراض المستشفى لج وللبيبي ؟ وشو هيه الاغراض ؟
كيف اتجهزتي للمستشفى << للولاده >> وشو كنتي لابسه وقتها .gif "12 (64)")
؟
شو المواقف الي مابتنسينها في هالوقت ( تضحك او تقهر ) ؟
وشو تعلمتي من تجربتج وحابه تنبهين البنات الي بيربن له ؟ يعني شو نصايحج؟
كيف كانت ولادتج بشكل عام ؟
منو اختار اسم البيبي ؟<< مب جنه طلعت عن الموضوع.gif "12 (62)")
في انتظار تفاعلكم.gif "12 (97)")
بتكلم عن ولدي الاول عشان تستفيدين … كنت في بيت امي … من المغرب طبعا بديت أحس بتقلصات
في الاحواض … تميت امشي كل شوي … واشرب زعتر بدون سكر لين زاد بي الويع …
منو كان معاج وقتها وكيف تصرفتي ومنو خبرتي ؟
كانت وياي اختي وامي في البيت بصراحه اختي مش متزوجه ما فادتني بش 
وامي راحت ترقد خلتني لين قمت أصارخ من الويع (ونزل عندي الدم)
متى جهزتي اغراض المستشفى لج وللبيبي ؟ وشو هيه الاغراض ؟
أغراض البيبي معروفه …
وشنطة المستشفى لازم تكون جاهزه في نهاية الثامن
كيف اتجهزتي للمستشفى << للولاده >> وشو كنتي لابسه وقتها ؟
أول ما رجت المستشفى على طول لبسوني لبسهم مال الولاده
شو المواقف الي مابتنسينها في هالوقت ( تضحك او تقهر ) ؟
أحلى موقف يوم أصارخ كنت أقول اني يوعانه ومب ماكله شي …
وشو تعلمتي من تجربتج وحابه تنبهين البنات الي بيربن له ؟ يعني شو نصايحج؟
في الولاده … محد بيساعدج
لا دكتوره … لا امج … لا ريلج …
ساعدي نفسج بنفسج (وعليج (بالمشي)
كيف كانت ولادتج بشكل عام ؟
الحمد الله الله سهلها علي
منو اختار اسم البيبي ؟
أنا وريلي كنا متفقين على الاسم
والله يسهل على الجميع يا رب
هالاسبوع موعدي
ادعولي
بس اعرف حريم وايد ييهم الطلق وهم فالسيارهـ … مثلا عمتي يابت ولدها ( اخو ريلي ) في السياره ^_^
واعرف حرمه يابت بنتها فالتاكسي … وهم رايحين المستشفى .. >> فضيحه هههههههه
ومنكم نستفيد ^_^