ويستمر الابداع في عالم الهدايا والتغليف مع سمــو ذاتــي تعامل مع الخادمة

بسم الله الرحمن الرحيم
" وماتوفيقي إلا بالله عليه توكلت وإليه أنيب "

السلام عليكم ورحمة الله وبركاته ..،

بفضل من الله تعالى ، ثم بثقة خواتي العزيزات وزبوناتي الحبيبات استطعت أن أتميز في مجال الهدايا وتغليفها ..

ويستمر الابداع من سمــو ذاتــي في عالم التغليف ..

شو هي خدمة الهدايا وتغليفها ؟

سموذاتي تقدم لج خدمة مميزة ، اذا كنتي مشغولة وماعندج فرصة تتسوقين ، أو ماعندج مجال تظهرين وتتشرين ، سموذاتي توفر عليج تعب السوق والمشترى ، وتوفر لج الهدايا حسب ذوقج واختيارج ، والأهم ميزانيتج ..
أتفق مع الزبونة ع : نوع الهدية – الشخص – الميزانية – والتفاصيل الأخرى ، وبعدها أبدأ بشراء مستلزمات الهدية وتغليفها ، وتوصلج جاهزة ومرتبة لين باب البيت ..

كيف توصلني ؟
خدمة التوصيل عندي نوعين : إما توصلج الهدية انتي ، أو اوصلها للشخص اللي له الهدية اذا مثلا كان في منطقة غير منطقتج وبجذا وفرت عليج عدة مشاوير .
التوصيل يكون عن طريق شركات توصيل معروفة

كيف أدفع ؟
الدفع : اما سلم واستلم " اذا انتي اللي رح تستلمينها " أو ايداع في حسابي أو الأنصاري للصرافة .
ع حسب ما يتم الاتفاق بيني وبين الزبونة .

وشو عن الأسعار ؟
تبدأ أسعار الهدايا شاملة الأغراض والتغليف من 350 ، ولج حرية تحديد المبلغ .

اذا انا بوفر الهدايا ، يصير تغلفينها بس ؟
هيه في حالة انج وفرتي الهدايا وبس حابة اني اغلفها ، اطرشلج المندوب ياخذ عنج الأغراض واغلفها وارجعها لج مغلفة ومرتبة .

كم مدة تجهيز الهدايا ؟
أفضل انج تتواصلين وياي قبل الموعد الي ترغبين باستلام الهدية فيه بـ 10 أيام لأن أحيان يكون عندي ضغط أو ظروف ، فأكون مرتبة وياج قبلها بفترة \

اذا كنت مستعيلة ترومين توفرين لي ؟
ع حسب الضغط اللي عندي فاتواصلي وياي وان شاء الله أقدر ..

كيف أتواصل وياج ؟
تواصلي وياي عزيزتي عن طريق الرقم ( اتصال – مسج – واتساب )
أو الرسائل الخاصة في المدونة
أو البريد الالكتروني

والحين اسمحن لي اعرض عليكن نماذج من شغلي والي نالت اعجاب واستحسان زبوناتي :

وهني بعض آراء زبوناتي الغاليات :

المشاركة الأصلية كتبت بواسطة xto0otahx

هلا سموو

شحاالج ؟؟

تسلمين حبيبتي ع الهديه الذوووق واايد استانست ع الهديه والعطر رووعه ريحته عجب رييلي وااايد

وشغلج بصرااحه يجنن احسج تشتغلين من قلب مو اي شي ,, ولا التغليف كاان خااطريه تمي الهديه بتغليفهاا

ابداااع والله من الحيين اعترييني زبوونتج وتعاااملج احلا واحلا

المشاركة الأصلية كتبت بواسطة أم اليازيه 2

مرحبا اختي اول شيء حبيت اشكرج ع مجهودج بصراحه مااعرف شو اكتب لانه صج صج ابداع الله يعطيج الصحه والعافيه ثاني شيء اول مره اطلب شيء من دون مااكون مشرفه عليه ويطلع واااااو مشكوورة وايد فديتج وربي يرزقج من اوسع ابوابه

المشاركة الأصلية كتبت بواسطة Lavender_09

كيف الحال..؟؟

وصلت الهدية لربيعتي وااااااااااايد تخبلت عليها

الله يعطيج العافية

المشاركة الأصلية كتبت بواسطة دلوعة قلبو

شحااالج الغاااليه؟؟

بغيييت اخبرج شي بخصوص التغليف مالهديه والهدايه الحلوه..
والله انها روعه ماشاء الله ..وريلي يوم عطيته الهديــه عيبته واايد ويوم بغى يفتح التغليف وجيييه فتحه بصعووبه ..يعني ها يدل انه شغلج مرتب ومن الخااطر..يعني مب مغلفه اي شي وبسرعه ينفتح..

يعطيــج العاافيه ..والله اسمحيلي ما قلت لج راايي لانه مليون شغله وشغله فوق رااسي ..

المهم حبيت اخبرج اني واايد استاانست ..

المشاركة الأصلية كتبت بواسطة um.danh

هلا الغاليه اشحالج شخبارج. ؟. اول البادي اسمحيلي بعد ما استلمت التوزيعات مول ما حصلت فرصه اشكرج كانو وايد مرتبين وشرات ما اباا. الحين بغيت اسو عندج بعد توزيعات لاختي بتربي جريب في بنت شو افكار عندج غير الجوكلت.

المشاركة الأصلية كتبت بواسطة ام سلطان =)

مرحباً عزيزتي..
الهدية غااااااااوية الصراحة وعيبتني حيل شكلها الخارجي فنتك ويالله يالله ابي ريلي يفتحها فيني فضول ابي أشوف الأغراض وطلعت حلوة وااايد..تسلمين مرررة..وان شاء الله بتساعدينا بمناسبات ثانية ان شاء الله..

[QUOTE=Mo0oN_DxB]

المشاركة الأصلية كتبت بواسطة سمــو ذاتــي

خلاص فديتج طرشيها وهو بيستلمها السبت ما بيسير الدواام ، وشفت الهديه ماشاءالله ذووقج حلوو
بالاختيار والالوان ما غلطت من تعاملت ويااج