انهارده كنت بفكر اعمل كل يوم ورشه حتى لو منقوله لعيون اللى عايزين يتعلموا
وانهارده لقيت اختى ملكه الاحساس ومشتاقه لقطر
طالبين شنط
بنات انا طبعا احب اعرفكم ان عندى مشروع كروشيه يعنى الهوايا قلب معايا لمشروع
واتمنى لكم جميعا الاستفاده علشان كده انا متوفر عندى الخيوط بكميات كبيرة لانى بشتريها جمله
وخبرتى جت من العمل
علشان كده بشتغل على طول مش بنتظر انزل اشترى خيط
انتوا بقى حضروا خيطكم
طب ازاى نقدر نحدد الكميه لاى عمل؟؟ وازاى نعرف الفرق بين الخيط؟؟؟
الكميه بتحدد على اساس حجم العمل وحجم (سمك الخيط ) بنات متفرحوش بالخيط التخين او السميك
لانه بيستهلك كميه اكبر مثلا
500 جرام خيط رفيع تعمل بلوزة حجم كبير لو خيط رفيع
ونفس الوزن لكن سميك ميعملش فستان لطفله 10 سنوات
معلش دوشتكم لكن ده علشان اللى معندوش خبرة يستفيد
طبعا خيط الشنط معروف وهو بيبقى نايلون او مخلوط وفى منه احجام يعنى فى 6 و9 و12
وده سماكه الخيط والخيوط بتختلف من بلد لاخر
عموما الشنطه اقل حاجه 250 جرام من الخيط الوسط واللى عايزاها اكبر تكتر الخيط
واللى عيزاها صوف او قطن تعمل حسابها انها تبطن ببلاستك ثم قماش علشان الشنطه متبقاش
مرخيه
وبكرا ان شاء الله هنبدء بعمل الوحدات وطريقه للشرح
استعدوا وحضروا خيوطكم واللى معندوش خيط من عنيا ابعت له من مصر عندنا هنا خيوط حلوة
هههههههههههههههههههه
وسامحونى على الاطاله
الشنطه الثانيه بخيط شنط حرير او ذو لمعه
اشتغلوا بالشريط الستان الرفيع جداااااا
سر من اسرار شغلى هههههه بنعمل بها الشنط السواريه
اولا نشتغل 5 سلسله
ثم نغلقه بمنزلقه
ثم 3 سلسله ثم عمود 2سلسله2 عمود ونكرر2 مرات
الموجود 4مجموعات متكونه من 2عمود2 سلسله 2 عمود
ويفتح لك ابواب الرزق يارب