وداعاً للحبوب بناااات أخيرا عرفت كيف اتخلص من الحبوب ^^ للقضاء على السمنة

شحالكم بنوتات ؟؟ كيف الصحة؟
الصراحة هاي اول مرة اكتب فيها موضوع دايماً أنقل واللي دفعني لها الشي هو اني حبيت انكم تستفيدون مثل ما انا استفدت

انا كانت عندي مشكلة تعاني منها الكثير من الفتيات ذوات البشرة الدهنية اللي هي مشكلة الحبوب وطبعا ما خليت عيادة ما سرت لها بس ماشي فايدة على فكرة انا الحبوب اللي فيني وسط مش وايد ولا شوي ونصحوني أخذ حبوب الريكوتان بس انا ما أحب هالأمور اللي لا سمح الله ممكن تضر فالمستقبل.

انزييين طولت عليكم صح
الحل كاااان جدا بسيط واكتشفته بالصدفة شي دايماً ينصحونا فيه بس نحن غافلين عنه، الله يسلمكم انا هالفترة كنت مريضة شوي وكنت مضطرة اني آخذ أدوية وطبعاً مع الأدوية لااااازم نشرب كميات من الماي خصوصاُ إذا كان الدوا مرتين أو ثلاث مرات فاليوم، وأنا أخاف من الأدوية فأشرب كميات كبيرة من الماي عشان تسهل امتصاصها فالمعدة ، وهالشي من أسبوع تقريباً وسبحان الله الحبوب بدت تختفي من ويهي ما شاء الله ما بقى إلا الأثر معقوووووولة من الماي هيه والله من الماي!
بنات جربوا هالشي والله ما بتندمون بتحسون بنضارة في ويوهكم يعني دبة صغيرة بعد الوجبات الثلاث بساعة تقريباً ،وعلى فكرة أنا خففت حلويات ودهون بعد لأن البطن مليان ماي فتحسون بالشبع،
ولا تنسون الفوايد العظيمة للماء لما يحتويه من معادن ويساعد على عمليات الأيض في الجسم، وخاصة الناس اللي يبون يفقدون وزن هالشي وايد بيساعدهم.

يالله بنات أبى تجاربكم
و لاتنسوون تدعولي بأن الله يحقق اللي فبالي..