مممممم نبدا باختصار مايحتاي مقدمه وخربطيشن
منو خذت الليسن بعد الزواج وندمت انه خذته خخخخ بمعنى اخــر
الاعتماد الكلي عليـــــــها ؟^^
بس حابه اطرح الموضوع ^,^
لان انا مستانسه خذت الليسن لان ساعات المعزب محد واروم اتصرف الروحي
بس بنفس الوقت احس الاعتماد عليه باكثر الاشياء بس بعد شي ويعدي اهم شي ان ايجابيات الليسن
عندي اكثر من سلبياته
وانا ماندمت ندمت يعني بس ساعات انقهر , نحن الحمدلله للحين نطلع مع بعض باغلب الاحيان واكثر شي اصلا
بس ساعات ع طريقه للمستشفى اقوله ودني بيت امايه !يقول شعنه مظهره ليسن؟ السوق وانا الصصراحه معاه في هالشي
لاني اهلكه في السوق يقول خلي خواتج يروحون وياج او ربيعاتج بس طبعا طبعا طبعا يوم يكون بالشغل
حبيت الليسن لان قبل في بيتنا ممنوع وكنت انذل لين نحصل تاكسي يقظي مشاورينا,,
بس احين الحمدلله اي وقت ابى اطلع بطلع بس ساعات احس انه بيعتمد..طلعي روحي ييبي ,,
بس مب كل مره لا حشا والله ماقلت كل مره , بس احس شوي شوي بيعتمد هع ’’يعني اليوم بطريجه بيودويني بيتنا وانا ااخاف اسوق في الليل
قالي عندج سياره وليسن روحي خخخ ,,
بس حبيت افتح باب المناقشه بالنسبه لليسن ,,^^
,
وهل ندمتي انج خذتيه ؟ او كيف خليتي ريلج مايحط كل اعتماده عليج ,
ممم
اتريى ارائكم ^^
في البداية كنت متخبلة ع الطلعات
وعقب صار الاعتماد كله علي انا
زيارات -سوق- مستشفى — كل شيء علي انا
قمت اكره الطلعة واكره السواقة
لدرجة اني ما قمت اطلع مع ريلي لاي مشوار
وقبل يوم بيت امي قريب البحر كان يوصلني ويسير للبحر
الحينه امي سارت بيتها اليديد وبعيد وايد عن البحر فقمت اسير روحي مع عيالي
اذكر عندنا استاذه في الكلية تقول عندها ليسن من 10 سنين بس عمرها ما ساقت السيارة
لانها تدري ان ريلها بيعتمد عليها في كل شيء
وسبحان الله عرفنا هالشيء كيف يأثر
بس بعد خبال الا نسوق
وسقنا وندمنا
وعندي بنت خالو بس تسير دوامها بسيارتها وباقي المشاوير يقضيها ريلها هو اللي يوديها واييبها
نصيحة :
لاتفرحين وايد بالليسن لان عقب كل شي بيطيح ع راسج
لاتقولين بنتفاهم من البداية وبنتفق
لان مع الايام بتنسون الاتفاق وشوي شوي بيصير الاعتماد عليج
بس والله ان تعب وضغط كبير ع الحرمة
ودي الصغاريه المستشفى .. ودي الصغاريه المدرسه .. ودي الصغاريه السوق … سيري اشتريلهم لبس .. وديهم الالعاب …سيري مادري وين … وهو 24 ساعه ويا الربع …..
^ــــــــــــ^ هالسيناريو اللي حاصل لكل حرمه عندها سياره حتى لو من قبل الزواج …
وتقل بينهم الطلعات … ويكون الضغط كله عالحرمه …
البعض وليس الكل 
ومستآنسه ههههه بس هب معرسه…
بس بديت انصدم من رمسكم هههه
بس بنخلي الا تفاق من الاول هع…
^_^ الله يستر..
صح اني ملقوووفه بس تفكير مستقبلي خخخ
لان شفت هالشي بعيني ف بيتنا من جي ما ظهرت الليسن ابوي يهزبي ظهري اليسن وامي تقولي ماشي ليسن
وانا اصلا ما فكر آخذ
هيع هيعـآت هيعوع ..!