أنا طلبتكم في خدمة ونصيحة وأتمنى إنكم تساعدوني وتعطوني حل لمشكلتي المتأزمة
أنا أعاني من حب الشباب من أيام المراهقة وتعالجت في المستشفى وأعطوني حبوب وخف ولكن رد ثاني مرة…والمشكلة يرد ويروح يرد ويروح تعبت صدق من هالحالة ..والحين صار يسبب آثار سوداء …..وأنا قلت يمكن بعد الزواج بيخف بس الحالة هي نفسها وهي الحين صار يطلعلي في الخدود كم حبة بس جي كبيرة ويبقى آثاره …وبدأ شوي يطلعلي مثل الحفر …..قبل كم يوم سرت عيادة جلدية وقلي لازم تاخذين ريو أكتين بس قال 6 شهور مافي حمل ..زوجي كان معاي وقال اوكي مافي مشكلة ….مب مستعيلين ….وأنا عادي عندي بس مافي حل غير الحبوب مافي شيء طبيعي ….أنا تعبت يابنات ..أصابني حالة إحباط شديد والله ..أبي الحبوب تخوز مني شو أسوي …صدق محتاجة لنصائحكم ..شو أحسن عيادة ….شو تنصحوني أسوي تحاليل للهرمونات …ولأ أسوي تقشير ولأ اتوكل على الله وآخذ الحبوب …الله يرضى عليكم لا تهملون رسالتي ولا مشكلتي وجزاكم الله ألف خير
واستخدمـي بعـد ( ديرفرن جـل) موجود في جميع الصيدليات بـ 24 درهـم ,, وحطيه يوميا عـلى الوجـه كـــــــــــامـل
وارقدي فيه ,,
وبعـد في النهـار ممكن تحطين عـسل على مكان الحـبـوب بس خليه لا تشيلينـه بسرعـه يعني تقريبا 4 ساعات جيه
وفي عياده كايا بعد عطتني مضادات حيويه
والحمدلله الحبوب إلي في ويهي خفت بس بقت الاثار وان شاء الله تخوز قبل العرس
والكريم ديرفن جل هي العيادة وصفته لج ولأ الصيدلاني وصفلج ياه؟؟؟
المشاركة الأصلية كتبت بواسطة BaToOoL 
والكريم ديرفن جل هي العيادة وصفته لج ولأ الصيدلاني وصفلج ياه؟؟؟
الجلسات كلفتني تقريبا 1450 .. وصفتلي مضادات حيويه ,, عشان تنشف الحبوب
واشتريتهم من الصيدليه
انا قريت وايد عن دفرن جـل في المنتديات والكل مدحـه ويوم سألت الدكتوره بعد وااااااااااااااااااااااااااايد مدحتـه ,, واستعملتـه والحمدللـه نفع وياي
ربيعاتي عالجن في عيادة الجلدية في مستشفى توام و طول علاجهن لكن ما شاء الله زال الاثر