شحالكن كروشات انشالله بخير
حبيت انزل هالموضوع وانشر النصايح اللي كل حامل ومربي لازم تسويها
نصايح من امي ويدوتي الكبيره ،، أكيد عندهم معرفه وخبره أكبر في تجارب الحياه
لأنهن ربّن في وقت لامستشفيات ولا علم وسبحان الله وكل كلامهن صح
نصايح قامن فيها خواتي والحين هنه دايما ينصحي اني اسويها
اول شي للحرمه الحامل
بعد ماتكملين اول 3 شهور ،،
اهتمي بتغذيتج ولا تخبصين وايد في الأكل
يعني كلي اكل معتل ومفيد يفيدج ويفيد البيبي
الحليب وايد مهم
والسمج بعد
الزعتر
كانن الأوليات من تعرف الوحده انها حامل على طول تبدا في شرب الزعتر
والله ان امي العوده تحلف تقول الحريم كانن عقب كل وجبه يحطن في كف ايدهن ويغسلنه ولا طول يعلجنه
الزعتر وايد مفيد وينظف،،، لاتوقفن من شربه
الحلول والصبره
نفس الشي من الشهر الثالث تبا الوحده تاكل كسرة صبره صغيرونه
ومن بعد الشهر الخامس تشرب حلول
وانا كلت صبره امي شارتها من القريه اليمنيه
اللي تشوف ان وايد ينزل عليها ماي وطبعا
وهالشي يأثر ويخلي ريحة المنطقه غير محببه
وبعد هذا دليل على ان فيج رييح
كلي صبره وبتشوفين الفرق
انا كلت كسره صغيره ،، والحمدالله نظفت بطني وما حلتني الا 3 مرات وهذا شي زين
يعني ماتعبتني وايد بس بالعكس فادتني
وانشالله بستمر كل نهاية اسبوع آكل كسره صغيره
الحلول ينظف البطن واللي الداوم عليه تشوف النتيجه وقت الربا
تحلف امايه ان ما شاء الله على اختي دايما تحتل وان يوم يت بتربي ما شاء الله مافيها ريحه خاسه
واللي ماتحتل يالله تعافينا وتعافي الصديق كرمتوا ريحتها خااايسه
المشي وايد زين وفوائده تعرفونها ،،
وبعد الممارسه الجنسيه تسهل الولاده بإذن الله
الحين دور المرابي
أكثر شي سمعته من امي وامي الكبيره هيه التداوي بالملحه
واللي هيه مثل التحميلات تكون عباره عن ملح مدقوق
اذا الوحده مسويه خياطه تصبر لين ماتبرا الخياطه وبعدين تتداوا بالملحه
الملحه الله يسلمكن تنظف الحرمه من الدم والخياس
وتلاحط هالشي بعد ماالوحده تتغسل ان لا اتم فيها ريحه ولا شي
المربي تشرب الحبه الحمرا مع الحليب والفلفل الأسود والجرفه والبهارات اللي تزيد من لذة الحبه الحمرا…
اذا الوحده مسويه خياطه لازم تعتني بخياطتها والداري عمرها قد ماتقدر
هذا اللي أكثر شي اسمعه
انشالله تستفيدون منه
والله يسهل على كل حامل يارب
وشكرا
أنا معاج في إن المشي يسهل الولاده..
أنا في ولادتي الأولى كنت أمشي وايد في التاسع.. والحمدلله ماخذت مني الولاده أكثر من ساعتين إلا ربع بالضبط.. ! سبحان الله..
ربيعتي مسكينه محبوسة في بيت أهل ريلها وماتظهر وايد ولا مشت في فترة الحمل.. اتخيلي إنها دشت
المستشفى الساعه 8 الصبح من الطلق وما ربت غير 8 المسا!!! صعقتني!
ومشكورة عالموضوع الرااااائع إختي
انا فولادتي الاولى ما مشيت وااايد
تخيل دخلت غرفة الولاده 12 الظهر خلصت خمس الفجر اليوم الثاني
اخاف من سوالف الاعشاب و الحلول يقولون مب زين الحين في التاسع يسهل الولاده .. هاللي اعرفه
عالعموم مشكوووووووره حبيبتي على هالمعلومات و الله يطول بعمر عيايزنا ^^
الله يرزقني بطفل سليم ياااااااااااااااااارب والحين انا ف نهاية الثامن
مشكوره اختي