نسبه الاباضه والكلوميد والحمل وتأخر الدوره لسلامتك

بنات شحالكم شخباركم بغيت استشيركم بموضوع الحمل والكلوميد وضعف البويضات ..

انا عندي بنت والحمد لله وانجبتها بدون اي منشطات ولله الحمد .. طبعاً بعدها ركبت لولب وشليته عقب 3 سنوات

وصارلي خمس شهور والحمد لله على كل حال احاول احمل لكن بعد ثلاث شهور قالت لي الدكتوره اسوي تحليل دم وطلع عندي ضعف بالبويضات نسبتها 10 والشهر الماضي عطتني كلوميد وابره تفجيرية .. ووصلت نسبه الاباضة عندي 35 من أصل 37

والمفروض اليوم 10/5/2015 موعد الدوره وللحين ما نزلت لكن للعلم ما احس بأي اعراض غير اعراض الدوره الاعتياديه
من نرفزه وعصبيه وخصه ان موضوع الحمل موترني واااايد ..

سؤالي : هل الكلوميد يأخر الدوره علماً أن بعد الكلوميد أصلا قل نزول الدوره وخلال يومين توقف يعني خلص قبل موعدها الطبيعي ، وابداً مو حابه اسوي تحليل حمل ويطلع سلبي ، تنصحوني بعدني اتريا ما اسوي التحليل ؟؟؟؟؟

وهل نسبه هرمون الاباضه 35 يساعد على الحمل ولا ؟؟؟

سوري طولت بس كنت افضفض والله
والحمد لله على كل حال ..

دعواتكم خواتي الله يرزق الجميع بالذريه الصالحه

رزقك الله وايانا بالذريه الصالحه اختي كيف ركبو لك لولب ممنوع بالدوله يركبو لولب الا لما يكون عندك طفلين
بالنسبه لسؤالك هل الكلوميد ياخر الدوره ايوه بياخر الدوره عده ايام
وسبب قله نزول الدوره بسبب المنشط وهو الكولوميد لازم وقت التنشيط تشربي قرفه الدم الفاسد بينزل ومعروف ان التنشيط بيقلل كميه الدم عن الدورات السابقه

وربي يوفقك ان شاءالله

من بعد الإبره التفجيريه بــ 14 الى 16 يوم تقريبا تنزل لو ما كنتي حامل.. وانا احيانا كان يطول لين 19 يوم..
فلا تحسبين على وقت الدوره العادي
اختي الغاليه..
نصيحه لوجه الله..
ريحي اعصابج من التفكيييير لأنه واحد من اهم اسباب تأخر الحمل..

حاولي تشغلين عمرج وتريحين بالج من سالفة الحمل وان شاء الله رب العالمين يكتب لج ويرزق وكل اللي يتمنون يااااارب..

الله يرزقج ولد صالح تقر عينج به

نصيحة لا تاخذين كلوميد اكثر عن ثلاثة دورات

اذا ما صار حمل هذا الشهر من تنزل عليج الدورة من ثاني يوم دورة اشربي مريمية يومياً لين يوم التبويض
خذي جهاز تحليل التبويض المنزلي متوفر في الصيدليات في لمدة خمسة أيام و بعضهم لسبعة
من تشوفين النتيجة ايجابية اليوم اللي بعده تحاولين تحملين
والله يوفقج

ماعندي رد لكل استفساراتج اللي اعرفه ان الكلوميد يضعف بطانه الرحم واذا ماستوا حمل تكون الدوره خفيفه
ومثل مانصحتج الاخت الورده جوريه لاتاخذين كلوميد اكثر من 3 دورات حتى في بعض العيادات صارت توصف حبوب منشطه اسمها فيمارا لانها ماتأثر على بطانه الرحم او ممكن الدكتوره توصفلج ابر منشطه بجرعات قليله

اسأل الله العظيم رب العرش العظيم ان يرزقج الذريه الصالحه قرة عين

لا عادي يركبون حبيبتي
ان شاء الله اذا نزلت هالشهر بشرب قرفه والله كريم ان شاء الله تسلمين

تسلمي على الرد عزيزتي باجر بيكون اليوم ال 19 من الابره التفجيريه وسويت اليوم فحص حمل منزلي طبعا طلع سلبي والدوره متأخره يومين
ما ادري بتريا لنهايه الاسبوع علما ان المنطقه جافه حتى مافيها ايحاء لوجود دوره ولا احس بأعراض حمل والفحص طلع سلبي

بالنسبه للنفسيه مب بإيدي بس ان شاء الله .. الله كريم