نزول المشيمه على عنق الرحم .. (ولاده قيصريه ).. خايفــــهـ لحياة صحية

السلام عليكم ..

هالموضوع من البارحه أحاول أكتبه إنقطع النت واليوم رد إنقطع النت !!! ..

أنا في الثامن ( بدايته )تقريبا 10 أيام من دخلت ..

المشيمه إمغطيه عنق الرحم .. ما في مجال للبيبي ،،

إتنومت في المستشفى لأنه نزل عليه شوية دم .. بس ألحين مايل ع البني ..

عطوني إبره تفتح رئة البيبي والإبره الثانيه اليوم المساء ..

منوه صادفتها هالمشكله …

مع العلم كل ولاداتي في عيالي ولاده طبيعيه …

طمنوني .
والقيصريه إتعور ؟؟يعني ما بقدر أتحرك ؟؟ ممكن التفاصيل ..

الله يسهل عليكم .

لا تنسوني بدعائكم عن ظهر غيب ..

والله ماعندي فكرة
بس قالوا لج مافي مجال ترتفع ابدا حتى لو انسدحتي وارتحتي ورفعتي ريولج
وليش عاطينج موعد عملية يعني في خطر تكملين تسع شهور وعقب يسوون لج عملية؟؟

الله يسهل عليج ويفرجها

ما عندي فكرة الغالية

الله يسهل عليج

وتوكلي على الله وان شالله تقومين انتي والبيبي بالسلامه

الله يسهل عليج حبيبتي

شوفي حبيبتي انا ربيت بنتي بعمليه قيصريه بس كان السبب ارتفاع في ضغط دمي عشان جذه سويت العمليه
هو اكيد في الم ماشي ولاده بالساهل ^^
بس قللي من الحركه في البدايه ولا تشيلين اي شي ثجيل
والله يسهل لج يارب ويحفظج…