نزلت 30 كيلو من وزني ..قولووواا ماشالله… لصحة الحمل

قولوا ماشالله نزلت 30 كيلو من وزني من غير أدوية ولا عيادات رجيم ولا غيره..بس انطقيت عين صح الحمدلله على كل حااال..شوفن يالحبوبات نزلت بأول أسبوع 5 كيلو وإلي ساعدني (القهوة السعودية).. وتحصلونها بالحمصة بس قولواا قهوة سعودية ..كنت أشرب منها مج كبير وبأي وقت ..والله تسد نفسج عن الأكل ولا تحسين بيوع ..بس حتى لو مالج نفس تاكين لاتفرحين الوجبات الأساسية لازم في موعدها..

الفطور..شريحة أو 2 توست اسمر وجبن حلوم قليل الدسم واحسن تحطينه بماي حار 5 دقايق عشان الملح الي فيه يرووح..وكوب قهوة سعودية كبيربسكر دايت او بدون بس أنا أحبه بالسكر..بسكر الداايت مو السكر العادي.

وماراح تحسون باليوع لأنها تسد النفس ….

الغدا....سلطة من غير طماطم وجزر تكون خضرا وصدر دجاج أو شريحة لحم أو سمك او تونة ..أنا عني كنت أكثر شي التونة وأحط عليها ملعقة بذر الكتان..

ولما كنت أيووع آكل تفاحة ولا قريب فرووت ومستمرة بشرب القهوة ..لأن تعرفون الي يسوي رجيم يحس عمره محروم ويبى اي شي يعوض فيه فشربوا قهوة..

العشا خلوه بوقت يعني قبل لاتناموا بساعتين..

العشااااا....زبادي مع خيارة أو مشروم محمستنه بزيت زيتون بس مو وايد يعني بحدود5-7 حبات ..أو بياض بيضتين مطبوخين مع خس مفروووم .

والقهوة لو حبيتي تشربين منها قبل ماتنامين ولا وانتي مع الأهل عادي بس بعد العشا ساعة على الأقل.. والرياضة ممنوعة اول اسبوع..

ملحوظة....الماي شربي منه قد ماتقدرين بس قبل وبعد الوجبات مب وانتي تاكلين ..ويكون مثلج ..أنا كنت اشتري ماي الصحة صغار ..وأنكها بروحي لان المنكه الي بالجمعيات فيه سكر..حطي شريحة برتقال أو أنناس أو ليمون أو فراولة او خوخ أو كيوي ألي يعجبج أو المتوفر وخليها بالثلاجة وشربي منها طول الوقت أنا عني أحط ماصة واشربه بتحبونه وااايد الأني مااحب شرب الماي واايد بس هالطريقة خلتني أدمن على الماي ..بس شريحة الفاكهة حطيها في وقتها يعني قبل لا تبردين الماي ..لا تسووون كميات كبيرة الحلو لما يكون بوقته..أخيرااا جربوا الماي المنكه بالخيااار فضييييع وهو مثلج .

وأتمنى لكم التوفيق وانشالله قبل الاسبوع لا يخلص بكمل الرجيم معكم بس بمشروبات وخلطات تخسييس ثانية …
والله الشاهد علي كلها مجربتنها على عمري ومابضركم وكلها طبيعية ولا فيها أدوية لا حبوب ولا هالخرابيط الي مانها فايدة ..وسمحولي على الإطالة ..لا تنسوا تتدعولي ربي يحقق الي في بالي ويسر أمووري..بحفظ الرحمن.

مااااااااااشاااااااااااااء الله

الله يوفقج يااااااااااااااارب

ماشاء الله تبارك الرحمن الله يوفقج وعقبالي ياااااااااارب انزل 10 كيلو ياااااااااااااااااااارب

متابعتنج بقوه

زين سؤال؟ 30 كيلو في كم من الوقت نزلتيهم ماشاء الله ؟

مبرووووووووووك الغاليه.. اختج @مبدعه@

مبروووك على النزوول

حلو النظام ما شاء الله