اشحالكن خواتي حبيباتي ^^
طبعا قبل كم يوم كان عندي موعد و ف نفس الوقت الدكتوره كانت بتقولي عن نتايج تحليل السكر ، قالتلي الضغط عندي طبيعي والحمدلله و قالتلي السكر مرتفع شوي واحسن عن قبل بواااايد و قالتلي حافظي على هالشي ^^
الحمدلله كلامها طمني بس انا طبعا لازم احافظ و ما اكل اكلات دسمه و حابه اشكر كل وحده كانت تدعيلي و تنصحني ^^
بس في شي ثاني انا تاريخ 23 بمشي فالتاسع بس من الحين احس بعوار ف بطني و ظهري بس مب مستمر يعني ايي و يروح عني ف ما اعرف اذا هالشي طبيعي ولا ؟؟ اتمنى اللي عندها خلفيه تخبرني !! من يستوي فيني جذه اقول يمكن منان بس ف نفس الوقت اقول بعدني ماخلصت الثامن ف كيف اييني المنان الحين هههه ^^
والسموحه منكم خواتي ^^
الله يتمم لج عل خير إن شاءالله
عادي اختي هذا منان اذكر يوم كان ايني اقول بربي وامي تقولي هذا منان وعقب عادي
والحمدلله
بس اذا ويع قوي وايد ولا تستحملينه لازم تروحين المستشفي
المشاركة الأصلية كتبت بواسطة ميثانووبس 
و انا اتحرا المنان بس يستوي فالتاسع !!
مشكورة الغاليه ماقصرتي ^^
والله يقومج بالسلامه و تسعدين بشوفة البيبي يااا رب ^^