موضوع يجنني المتزوجات فقط لتربية طفلك

سؤال،،،،

أتزوج اللي احبه وله اللي يحبني ؟؟؟؟

هل الحب يأتي بعد الزواج يعني خذت واحد ما اعرف شئ عنه صدق بحبه
ووووه نفس الوقت خذت واحد هو يحبني بس ما احبه ليش خذلته وأنا اعرف ما بحبه لأني احب غيره

نحن مش متزوجات بنستفيد من تجاربكم

ان شاء الله البنات مابيقصرن

اغلب المعرساااات واللي حوالي يقولون
خذي اللي يحبج ،،

لانه الريال لو ماكان يحبج وانتي ميته عليه هني العذاب .. لانه ممكن يخون .. ممكن ينطش .. يتزوج عليج ويسوي لج طاف و الخ

حلاته الرياال يكون ميت على حرمته مايرضى عليها ابدا ويوفر لها كل احتياجاتها تحس انها اميره عنده وعينه ماتشوف غيرها ابد
ترى الحرمه تحس بالامان لما ريلها يحبها ويحبها اكثر من ماهي تحبه

شو الفايده هي تحبه اكثر وميته عليه وعاشقتنه وهو مايبادلها نفس مستوى الحب
احس راح تتعب نفسيا لانه الحرمه عاطفيه

بعدين الحب الحقيقي الصدقيييي ما اييه الا بعد زواج

والله اعرف كم حد كانو يعشقوووووون بعض عشق ويحبون بعض قبل الزواج
وتزوجو ومصيرهم كان الطلاق ،، حالتين من اهلنا جي !

يعني الزبده
انه الحب والعشق يعمي عينج عن عيوب حبيبج وتبينه بكل الحالااات ولو كله عيوب ترى الشادي بعين امه غزال
بس يوم تتزوجينه مع مرور الايام والمشاكل لابد منها بتطلع عيوبه
ويمكن تنصدمين كيف وافقتي عليه ،، وقتها مابتشوفين الحب بقدر الامور الثانيه

وفي حريم صح ماكانو يعرفون رياييلهم و ماخذوهم عن حب
لكن خذوهم بعد استخاره وبعد ماسمعوا عن اخلاقهم ودينهم

واحتمال في بداية ايام زواجهم ماكان في حب
لكن سبحان الله اغلبهم عشقًوا رياييلهم عشق عقب الزواج والعيال
من بعد ما استووت بينهم مواقف وغيره

ترى الحرمه بالاخير راح تحب اللي يصونها ويرعاها ويحفظها .. والحنون عليها واللي يحبها ويوفر لها كل احتياجاتها ويعاملها بكل احترام وتقدير
اذا هالاشياء توفرت في ريلها راح تحبه ١٠٠٪ بغض النظر عن شكله منصبه ولا غيره

اي وحده جي تقول
اقول لها والله انتي ماتعرفين الغيب
يمكن حبيبج يشين في عينج
و ريلج يملي قلبج وعينج

مع الايام والعشره هالاشياء تبين
بس دام حبيبها في قلبها وهي معرسه هذه تعتبر خيانه ودام تقول مابحب ريلي احب حبيبي .. جي عمرها ماراح تتوفق ومابتحب ريلها
لانها مصره انها مابتحب ريلها ومابتحاول تنسى حبيبها وتحب ريلها

اي وحده حبت واحد وماصار نصيبها وتزوجت واحد ثاني
لازم اول شي تتقي الله في زوجها
شو بيكون شعورها لو ريلها قال لها ماقدر احبج لان بعدني احب حبيبتي

كل انسان يقدر ينسى ويطلع ناس من حياته مع الايام والسنين
ويقدر مع الدعاء والمحاوله يحب شريك حياته

اتزوج اللي احبه ولا اللي يحبني ترا اصابع ايدج مش سوا و الرياييل مش مثل بعض
و مش قاعده ثابته عسب المتزوجات يقولون لج .. كل وحده وضعها غير و ريلها و طبعه و صفاته غير ..
ماعليج من كل هالرمسه و من كل اللي ينقال ..
عليج بالاستخاره .. صلي و ادعي و ربج بيسير لج الافضل و الخيره في ما اختاره الله ..
الله يوفقج و يسعدج ..

..

من وجهة نظري الافضل الوحده ترتبط بانسان يحبها اكثر ما تحبه لانه بيكون حريص ع سعادتها

صح بتكون في منغصات غيره وتدخلات بس كلها نابع من الحب … يعني في جانب ايجابي وسلبي لكل شي
بس اكيد مو شرط وجهة نظري تكون صحيحه بس الحب يصنع المعجزات

أنا أفضل إني أتزوج من واحد يحترمني عنده أخلاق