موضوع مهم واريد رأي كل وحده تقرأ الموضوع بليز لتربية طفلك

بغيت أعرف كم وحده متزوجه وما عندها مشاكل مع أهل زوجها؟؟؟؟؟؟؟؟؟؟؟

أنا عات عندي قصص وحكايات مع أهل زوجي، لما تزوجت فتحت لهم قلبي واعتبرتهم خواتي واكثر وطلعت كل وحده حاقده وحسوده وقلبها مليان كره ..………..

كل مره تصير مشاكل بيني انا وزوجي أول كلمه يقولوها طلقها! تصوروا؟

المره الأخيرة أنا حطيت حد لكل هالمشاكل وطلبت من زوجي اني ما أروح بيتهم وهو وافق لأنه حس اني أتعب كثير لما أروح وهو ما يقدر يزعل اهله ولا يزعلني، صار لي تقريبا أكثر من 6 شهور ما رحت عندهم ولا اتصلت فيهم. حتى العيد ما رحت خليت زوجي يروح وانا عيدت في بيت أهلي. والله صباح العيد ناشة اصيح زوجي مو معاي بس حرام أقطع صلة الرحم مع أهله ورضيت أضحي عشان ما أخذ ذنب القطيعه. تصوروا اتصلت في امه أعيد لها ( بس عشان خاطره ولا هي ما تهمني) سوت لي فيها مصيبها عوينه زوجتك ما اعتذرت لي انها ما جات تعيد عندنا (لأن الحبيب قايل لها اني ما راح اجي العيد لانه أبوي تعبان)…..

الحين عيد الأضحى مقرب وأخاف زوجي يروح عني ولايغصبني أروح عندهم والطامه اني مابي أعيد عند أهلي كفاية العيد الماضي الكل يسأل عن زوجي وانا أخترع قصص.