موضوع مهم (فتره النفاس)

السلام عليكم ورحمه الله وبركاته
شحالكم يا حلوات .. ان شاءلله بخيـر
اتمنى ان يكون في تجمع بخصوص فتره النفاس .. يعني كل وحده تخبرنا تجربتهاا وشو الاشياء الغلط سوتها ويفترض ما تسويهاا .. وتخبرنا النصايح

احس ان موضوع مهم جداااا جدا جدا بدل التجمعات العاديه .. شو اشتريتو وشو جهزتو ومتى موعدج >>> احسها تسليه فقط ومب مهمه كثر فتره النفاس

ياليت كل وحده تكتب لنا طرق العنايه الصحيحه والصحيه >> اهم شي تكون صحيحه يا حلوات
وكيف نحافظ على اجسامنا .. ويرد جسمنا مثل قبل

أولا مبروك لكل الوالدات وعقبال الحوامل يلدن بالسلامه وعقبال كل من خاطرها في طفل

عندي كمن نصيحة عن تجربة:

حابه اخبركم نقطه جدا مهمه في فتره النفاس لتضمنو نزول وزنكم بشكل ما تتخيلوه وزمن قياسي
حطي جنبك 2 ليتر ماء وانتبهي عالساعه,لازم كل ساعتين ترضعي طفلك وتشربي كمية من الماء قبل او اثناء او بعد الرضاعه,بحيث يخلص 2 ليتر ماء يوميا
بتقولون كثييييييير 2 ليتر
لكن انا اقول لكل وحده تقول كثير :

1-أن هذا الطريقة تضمن لك كمية واااااااافره من الحليب لطفلك والكل يعرف فايدة الرضاعه الطبيعية للأم وطفلها
2-ترطيب لبشرتك بشكل ما تتخيلوه
3-ينزل وزنك بمعدل 1 الى نص كيلو يوميا خلال ال10 او 15 يوم الأولى بعد الولادة(جربوووووو وبتشوفوا هالكلام عن تجربة)
4-وطبعا الماء فوائدة كثيرة لكل العمليات الحيوية بالجسم,وينقى الجسم من الأملاح الزائدة

وحاولى اختي تتمي داااااااافيه ولا تمشي على الأرض حافية القدمين ابدا ابدا,البرودة تخرب الرحم والعظم وانت توك والدة
اشربي مشروبات كلها ساخنه او دافيه وابتعدي عن كل المشروبات الباردة او الغازية, وطبعا يا زين الحلبة واليانسون والخ من الأعشاب بهالفتره

حذااااااااااري من شرب مغلي الميرمية لأنه ينشف الحليب

وابتعدي عن كل الأطعمه الي تعرفي انها تسببلك نفخه في البطن لأن هذي الأطعمه تصل للطفل وتسببله مغص وبالتالي معناه لك وله

حاولي اختي تهتمي بمظهرك ونظافة ملابسك وتزيني ,النفسية بعد الولادة تكون دااااااااااون,هالأشياء تحسن نفسيتك,لكن تجنبي العطر خاصة ذو الرائحة القوية لأجل البيبي

ولو تذكرت شي بعد بخبركم

يزاكم الله خير

الصراااحه موضوع وايد مهم … اضم صوتي لـ صوتج

وبما اني بكريه اتمنى كل وحده مرت بـ فترة نفاس تخبرنا

بالاخطاء وبالاشياء اللي لازم نسويها ..

" بس ياليت يكون شي مجرب وموثوق مش نقلا من النت "

فكرة حلوة
في ميزان حسناتج

ياريت تضيفي على موضوعج افضل مشد
بقول الاخطاء اني ما لبست المشد والخطا الثاني كنت اتحرك وايد بما اتي بروحي وهالشي خرب الخياطه
الاشياء اللى سويتها اشرب حبه حمرا وكنت اسوى زنجبيل وقرفه واكل تمر بالغصب كنت اكل 3 حبات واكل بيضه مع رشه فلفل اسود واشرب حليب قليل الدسم وعصير برتقال عشان البشره

نسيت من الخطا بعد ما شربت فيتامينات بعد الولاده لان صابني نزيت واهملت هالشي وتم ظهري يعورني من نقص الكالسيوم وشي ثاني ما كنت اسوى رياضه بطن الكرشه للحين مب راضيه تروح اذا تذكرت شي بكتبه