موضوع محرج بس شو الحل خدامتي ولعسل والاجبان عمل يدوي

السلام عليكم
طبعا يبت خدامه اثيوبيه بس مب عارفه كيف اقولها هالموضوع بصراحه تستهلك العسل الطبيعي بطريقه فظيعه وتعرفون انتو العسل غالي صراحه وانا مااشتري عسل من السوبرماركت والنقطه الثانيه انها تخلص قلاص الجبن في يومين
بصراحه مب عارفه شو اقولها استحي والله خبروني كيف اتصرف بليز

فعلا الخدم استهلاكين جدا فلبيوت و ياكلون بشراهه جدا و هذا الكلام من اكثر عن ناس اسمعه خدامة ربيعتي تتغذا بدجاجة كاملة و تتعشى بدجاجة صندوق الدجاج ما يكمل الاسبوع عندهم

كلهم كدة بس حل هلموضوع صعب شوي اما انك لما يخلص الجبن ما تجبين لمدة كمن يوم و هذ مشكلة لان اكيد عندك اطفال ياكلون منها او انك تسالي من يخلص وين راحت الجبن انا من يومين شارية و تساليها انكسر منك ولا شو

و الله المستعان

البشكارة ما دام تشتغل تاكل ما قلنا شي بس بحدود المعقوول مب تخلص غرشة في يومين ما يعورها بطنها؟؟
انا من راي تشتريلها الجبن والجام خاص فيها مال شهر واذا تحب العسل خذيلها من الجمعية ارخص وخبريها الاغراض مال شهر اذا خلصت شي تشتري من فلوسهاا
ما ادري مب حلوة تاكل من جبنكم ! اتخيل تاكل بالخاشوقة وترجعها في الغرشة وععععععع

ههههههههه بصراحة استهلاكيين من ناحية الاكل ومواد التنظيف بطريقة فظيعة مثل خدامتي نص كيلو لبنة خلص وياها خلال 3 ايام مع انه كل عيالي ما ياكلونه وزوجي ما يحب اللبنة انا بس اللي احب اكله، اخر شي ناشة متوحمة على اللبنة احصل ما شي بالثلاجة قالتلي خلص اخر شي قمت يبت جبن سلايس وقلتلها يوم تسوين فطور سوي من هذا الله يسامحني بس شو اسوي ريلي ما يسكت بعد ، وتعالي شوفي الظرايب على مواد التنظيف اقله شي الديتول الاربعة في واحد الغرشة الاقتصادية تقريبا تيي 2 ليتر خلال 4 ايام يخلص !! كأنها تشربه ما تستعمله بالتنظيف ، مع اني اراويها كم احط حق كل شي ومعلمتنها كيف تنظف وشو تستخدم بس الحين رحمتني شوي خلال 4 ايام خلصت لتر كامل لول وبعد احاول افهمها ، وارد اعلمها ، وغير الاغراض اللي ترميها بالزبالة وتقول ما كانت منتبها لها ، مشاكلهم وايد بصراحة ، انا اقول خصصيلها شي معين تاكل منه بس بصراحة دجاجة كاملة عالغدا وثانية عالعشا هذا انتقام ، هي متينة ولا ضعيفة ؟؟

ما شاء الله عليهن زين ترى الي يشتغل ويكد يبي ياكل شو يسون مسكينات

زين انتي غرشه العسل الاصلي خشيها عنها وحطيلها عادي مال الجمعية

الغاليه شوفي انا حاطه في حجرتهم اكلهم وشربهم وكل اللي يحتاجونه وما يخصهم في اغراضنا اللي ف ثلاجتنا
انا بصراحه اجز الخدامه تاكل من نفس ثلاجتنا
ترا عندهم ثلاجتهم وكل شي فيها ومعلمتنهم اذا خلص اكلهم قبل وقته يقولون لي واعطيهم من اغراضنا لكن ما يتعنون بروحهم وياخذون
وما خلي شي ما آخذه لهم اترسها تراس الثلاجه لكن ما شي يشفطونه شفاط
الشغل ايوع

بس العسل الطبيعي خليه عندج في الحجره وقولي لها لا تاخذين منه وخذي الها من الجمعيه
انا قبل استحي الحين لا بصراحه دام مب مقصره عليهم ما يخصهم ف اغراضنا

( سابقا الحين ما عندي خدامات )