حتى من نفسها
صباح اليوم التالي سارت المدرسه وكان عليها امتحان والحمدلله جاوبت على الاسئله وتوقعت الامتياز
وكل هذا علشان رشوود …وكانت الضحكه والفرحه واضحه على ملامح ويهها الصغير
نوره: بشري بنانا شو سويتي في الامتحان ؟؟
موزه:ان شاءالله درجه كاااااااااااااامله ..
نوره:ماشاءالله وايد مستانسه اليوم !!
موزه :تعرفين منو شفت امس؟
نوره:لا تقولين رشوود؟؟
موزه :هييييه يعلني افدا طاريه ..ورمسته ..
نوره:جذوووووووووووووووووووب ؟؟كيف بعد رمستيه !! لا تقولين في التيلفون ؟؟بذبحج
موزه :شو تيلفونه بعد انتي الثانيه ..ياني البيت ..
نوره: @@ من صدقج انتي؟كيف تدخلينه البيت .؟؟
موزه:اوهو انتي ما فيج صبر ..اسمعي السالفه كلها خلاف ارمسي
نوره:انزين ارطني
موزه:البارحه هليه ساروا العزبه ويلست اانا في الحديقه اذاكر والا اشوفلج اياه واقف عند الشبج ويزقر علي ..زين يوم ما وقف قلبي اخر مره شفته من سنه ومن بعيد يوم يروح المدرسه ..واول مره اشوفه جي قريب ..فديييييييييته محلووووو وملتحي ..وظاهراتله شوارب يجننووووووووووووون فدييييته يالبي
نوره :فداج يني قولي امين !!انتي يا ينيتي يا ينيتي اختاري شي منهن
موزه:ليش بسم الله علي شو مسويه ؟؟
نوره :عنبو يوقف لج في السكه ولو حد من الحاره شافكم ..ولو البشاجير شافوكم ؟؟ساعتها شو بيفجج من احمدووه ؟؟
موزه :ما طول قال كلمتين وسار ..وشل قلبي وياه
نوره :شلج طهف ..خليني اسمع مره ثانيه انه ياج ..ساعتها انا اللي ما برمسج ..
موزه: اشعندج انتي هذي غيره ولا غيره ^_^
نوره :اغار من شو .من ويهه يعني لو فيه خير ما قلعج سنه ما تعرفين راسج من ريولج ..المهم شو كان يباج ؟
موزه :ما شي سلم علي وقالي متوله عليج ..يحبببببببببببببني يا نوره يحبننننننننننننننني
نوره :انزين وبعدين يعني!!شو اليديد؟؟
موزه:مادري احس احتمال يخطبني؟؟
نوره :من صدقج؟؟انتي توج ياهل ثالث اعدادي شو يخطبج ؟؟ شلي هالخرابيط من راسج ..
موزه:انا بخلص ثالث وبدش اول ثانوي يعني كبرت مب ياهل وغير جي بس خطبه ومن اخلص بعرس.
نوره :خلاص يعني قررتي كل شي على مزاجج ؟؟
ورن الجرس وخلصت الفسحه وردن صفوفهن وخلن الرمسه لعقب ما يردن البيت
في البيت كلهن يالسات يتغدن وعندهن احمدووه اخوهن العود.
عوشه:اقول موزووه اليوم الخدامه تمت تخربط وتقول مادري حد يانا امس ؟؟
موزه وخلاص تمنت الارض تنشق ويبلعها:هاااا شووو منووووو؟؟ منو يانا؟؟امس احمدوه كان هني محد يانا؟؟اصلا انا كنت في حجرتيه اذاكر مادري جان حد يانا؟؟ وانتي حق شو تنخشين عند البشاجير؟كم مره بويه هازبنج وقايل لج ما تيلسين عندهم ولا تاخذين الخراريف منهن ؟؟ما عليه ان ما خبرت بويه ؟؟
ونشت موزه متغيضه اونها بتسير تذاكر..
الشهور مرن وموزه خلصت الاعداديه ودشت اول ثانوي وما كانت تشوف رشود الا في الاسبوع مره يوم يرد البيت في سيارته اليديده ..وهي كل حلمها انه تكون اول حرمه تركب السياره ….
كانت كل ليله تحلم كيف بيشلها ويمشيها في السياره شرات ما كان يمشيها وهم صغار في السيكل..
بس الحينه نظرات رشوود تغيرت !!ما قام يطالعها شرات قبل؟؟احيانا يمر بسيارته قدام بيتهم وهي واقفه ويخطف ولا كانه شافها؟؟كانت تقول يمكن مب منتبه ؟؟او يمكن ما يبغي حد يلاحظ …
رن تيلفون البيت وردت ام موزه
ام موزه:هلا بنتي ..اشحالها امج ..؟؟
ميثه :خالوه ..موزه هني؟؟
ام موزه :هيه فديتج ..اصبري.
ام موزه:موزه تعالي ربيعتج ميثه تبااج ..
موزه:هلا ميثاني؟؟اشحالج
ميثه :الحمدلله طيبه ..شخبارج انتي..وشو الدراسه ؟؟
موزه:والله الحمدلله ..
ميثه اخت سعيد ..ساكنين في البيت اللي عدال بيت رشوود..وكل يوم كان سعيد يراقب موزه ويراقب رشوود ويعرف بلي بينهم ..وكان يموت في اليوم الف مره ..كان يتمناها له …ويموت قهر يوم يشوفها تسهر علشان تشوف رشوود ..ورشوود مطنشنها…
ميثه :اقول موزه ابغي اقولج شي بس بليز لا تعصبين ؟
موزه:خير قولي ؟؟
ميثه :امس خويه سعيد رمسني وقالي انه يباج وبيخطبج ..اذا بتوافقين ..بس يبغي يتاكد لو موافقه علشان يخطب وخلاف بيدور له شغله ومن يتوظف بتملجون؟؟
موزه انصدمت انه في حد يفكر فيها؟؟ما عرفت شو ترد ؟؟بلا حاسيه سكرت الخط ..
ربعت حجرتها وهي مصدومه ..سعيد ..معقوله سعيد ما غيره !! يباني انا..؟؟بس انا ..انا ..انا ملك رشوود ..ما بغي اكون لحد ..ولا ابغي حد يفكر فيني…كلهم يعرفون انه انا لرشوود ورشوود لي انا…
اليوم الثاني ميثه لاقت موزه في المدرسه ..جان تسيرلها….
ميثه :موزه ليش سكرتي امس؟
موزه:بصراحه هالكلام ما ينقال في التيلفون وانا شوري بيد اهلي
ميثه :ادري بس لازم نعرف اذا انتي موافقه ولا.؟؟وبصراحه انا اعرف انج تبين رشوود..بس موزه انتي لي متى بتمين غبيه ؟؟لا تزعلين مني انا لو مااحبج ما نصحتج …ما تسمعين سوالف رشوود؟؟محد قالج شي..؟
موزه: هاا شوو..منو قالج اني افكر في رشوود..واصلا منو رشوود..وما يهمني..وسمحيلي بروح الصف..
في الصف موزه تفكر في كلام ميثه ؟؟ليش قالت جي…اي سوالف!! شو فيه رشوود؟؟ انا ما سمعت شيومحد قالي شي؟؟شو يعني..؟؟معقوله ما يباني!! لا لا مستحيل..اصلا هي تغار مني وتباني حق اخوها ..بس مستحيل اخليها تخرب بيني وبين رشوود …..
يوم ردت البيت قالت لها امها تسير تغير لبسها وتتغدى وتتعدل لانه بييونهم ضيوف العصر
بلا حاسيه موزه صارخت لاااااااا
قالت لها امها:شو لااا بنتي بسم الله اشفيج !!
موزه:اووه اسفه امي بس قصدي لااا مااقدر ايلس عند العرب عندي دراسه ..
ام موزه:لا تحاتين الا عشر دقايق تسلمين وتسيرين ..
موزه:بس امي..
ام موزه:خلي عنج الدلع وسيري يلا اشوف
دشت موزه حجرتها وهي تصييييييح وتسب سعيد وميثه واليوم اللي عرفتهم فيه ..اكيد هذا سعيد ياب اهله يخطبوووني …يااربي انك تردهم ياااربي انك تغير رايهم ..يالله ان شاءالله هليه ما يوافقون …انا صغيره ماابغي اعرس…..مااباااااااا ..ااااااااه يا رشوود وينك …تعال شوف بياخذون حبيبتك منك …..
لا تعدلت ولا تلبست وتمت بالجلابيه لين العصر دخلت عليها مهره اختها ..
مهره :اشفيهن عيونج منفخات !! عنبوج جي بتجابلين العرب!!
موزه:منو قالج ابغي اشوف حد ..انا عندي مذاكره
مهره :خلي عنج هالمصاخه وقومي تلبسي تراهم وصلوا وامي تباج تسيرين تسلمين على الحرمات .نشي قبل لا اييج احمدوه
موزه:وشو يبون يايين!!
مهره :شو يبون يعني:يبونج انتي ..
موزه:انا صغيره ..ليش ما يخطبونج انتي ..تراج اكبر عني
مهره :لا تستهبلين تعرفين عدل اني محيره لولد عمي وهو ما باقيله الا سنتين بيتخرج من امريكا وخلاف بنعرس
موزه:يا سلام انتي تاخذين اللي تبينه وانا اخذ على كيفهم؟؟
مهره :ليش ان شاءالله منو اللي في بالج ؟؟
موزه:هااا منووو مااقصد جي ..أقصد يخلوني اخلص …خلاص خلاص اظهري بتلبس وبنزل
قامت موزه لبست جلابيه عاديه وتجحلت بس ولفت راسها بالوقايه بدون ما تتعدل وسارت تسلم على الحريم وهي تدعي عليهم …
من قربت صوب الغرفه انصدمت من………………….
^_________^
بس قديمة
الذاكره تعبانه عندنا صراحه
وتسلمين على الطرح حلوو