الموضوع نزلته امس وانحذف لان مشرفة القسم اعتقدت اني ببيعها او بتاجر فيها هني بالمدونة
الغرض من الموضوع كان انكم تستفيدون و ماكان لي نية ابيعها عليكم ابدا
انا من الكويت .. يعني صعبة ابيعها عليكم بالامارات 
انا ابيعها بالكويت للحين بس مالي نية ابيعها برة الكويت
و طريقة عرضي للموضوع اوحت لمشرفة القسم اني بتاجر فيها
مالومها لاني انا الغلطانة من البداية بطريقة عرضي الموضوع
انا قلت تستفيدون منها وتجربونها بنفسكم
وعن الكسل .gif "12 (69)")
سووها واستمروا عليها بالحرف الواحد وبتشوفون العجب
بسم الله
انا كنت اسوي خلطة رموش للبيع وفعلا تطول الرموش وتكثفها وتقويها
انا جربتها على نفسي قبل لا ابيعها او اعطيها اي احد
المهم
الخلطة هذي تكفيج وايد ( شهر وزيادة )
وتقدرين تعبينها في علب ماسكارا فاضية تنظفينها عدل وتغلين العلبة وتعقمينها بعدين تعبينها من الزيت
اسمها خلطة دلع
لأنها تخلي عيونج دلوعة لما تطول رموشج
وانا للامانه جربتها على نفسي قبل لا ابيعها لأن مابي ابتلش مع بنات خلق الله وبالاخير ما تفيد
طريقتها انج تحطينها مثل اي ماسكارا وتنامين فيها للصبح وتغسلينها علشان ترتاح العين
وتقدرين اي وقت تحطينها
بس احسن شي بالليل لأن تكونين نايمة ومرتاحة وماتفركين عينج او شي
بس لا تغرقين رموشج لأن يمكن يسيح الزيت ويدخل بيعونج بعدين يحرقج
انا مالي شغل ترى
اللهم بلغت اللهم فاشهد
المقادير :
ملعقتين وسط زيت الحبة السودا ( حبة البركة )
ملعقة وسط زيت خروع بريطاني مركز ( تلقينه بغرشة زجاج صغيرة شفافة وعليه لزقة لونها ازرق ) عند الحواي
ملعقة وسط عسل نحل طبيييييييييييييييييييييييعي
مقدار ملعقة شاي من :
نواة تمر محموصة ومطحونة ( نواة التمر معروفة من حديث الرسول عليه الصلاة والسلام بما معناه انها تحد البصر وتنبت الرمش ) وكذا وحدة مجربة هالطريقة
يعني تاخذين النواة وتغسلينها زين وتحطينها بالفرن لما تتحمص وتصير سودا
وبس تدقينها بايد الهاون او تحطينها بخلاط البهارات بتشوفينها تتفتت بسرعة
انا اسوي كمية كبيرة لما يصير عندي كمية مطحونة ومتى مابغيت اخذ منها ملعقة شاي صغيرة
واللي تبي تستبدل النواة بالاثمد لو هي خايفة او شي مافي مانع
وهذا سر هالخلطة
الحين
تخلطين هالمكونات كلها في بادية صغيرة وبعدين تعبينها بغرشة الماسكارا
وتستعملينها عادي مثل ماقلتلج بالليل احسن
بس للامااااااااااانة
انا جربته على نفسي وبنات خالاتي وخالتي بعد وبعت منها وايد وايد كمية كبيرة
كل اللي خذوا رجعوا بعد اسبوع مع بنات خالاتهم وربيعاتهم وخذوا منها
خالتي كان فيها المرض الشين قبل 4 سنين اسمالله عليكم وعالجت بالكيماوي
وطاح شعرها كله وحتى رموشها وحواجبها
يوم طلع الشعر مرة ثانية طلع شعر رموشها قصير ومو مثل اول
يوم عطيتها هالخلطة وجربتها اسبوعين صارت عيونها مسبلة ورموشها طالت واستانست وايد
المهم
هذي الخلطة صارت بين ايدينكم مجااااااااااااااااانا ومو بغرض البيع
النتيجة تشوفينها من ثاني اسبوع لما بتحطين ماسكارا سودا العادية بتلاحظين الفرق الواضح
بيصير كأنج مركبة رموش وهذي صارت معاي
امي قالتلي شنو مركبة رموش ؟؟
اللي تفيد معاها بليز لاتنساني من الدعوات بظهر الغيب
ولا تقولي انها دعتلي مابي اعرف
خليها بينج وبين ربج
يعطيكم العافية
الله يوفقج الغالية
التوفيج لي ولج وللجميع يارب
بنات ترى ما ابيعها بره الكويت
انا عرضتها لكم للفايدة وبس
وكنت عارضتها بعد بمنتدى كويتي والبنات اصروا اني ارجع ابيعها لهم
بس لكم لا للبيع
ماقدر اطلعها برة الكويت
الخلطة عندكم وبين ايدكم
جربوها بانفسكم
مجاااااااااااااانا
متى بسافر وبشتريها منج >>تبا شي جاهز