هذة مشكله عضوة معانا في المدونة اتمنى انها تحصل حل مشكلتهااا .. واعرف انكن ماا بتقصرن حبيبااتي ^_^
( سلام عليكن خواتي .. موضوعي باختصار .. ريلي !!! .. ما عارفة كيف اوصل له اللي بخاطري ..
اربع سنين وانا احاول اعدل فيه بعض الامور ويالله بطلعة الروح تتعدل بعض الأشيا وعقب يرد لعوايده ..
اول شي بخبركم عن اعمارنا .. انا 23 وهو 27 .. متزوجة من 4 سنين .. الحمد لله ريلي ملتزم ما عنده سوالف الخربطان الحمد لله .. بس عيبه مووووول ما يهتم …
بخبركم من أي ناحية … مثلا من عرسنا لين يومكم هذا كل عيد يمر لااااااازم اهديه مع أني ما أشتغل .. بس أيمع بيزات واحاول تكون الهدية كل مرة سبشل .. والله ما خليت شي إلا واهديته .. وهو !!!! طاااااف …
مرة صار بيننا سوء تفاهم .. وطلعت حرتي في انه صار لنا 4 سنين ولا عيد مر علينا واهداني هدية !!!! ليش ما تهتم فيني ؟؟ انا كم مرة اهديتك ؟؟ انا ما امن عليك .. بس انا انسانة واعندي مشاعر !!!!
دراستي ما خلاني اكملها ثنوية بس .. وصكتت .. مع انه خااااطري مووووت في تكملة دراستي لأني أحب الدراسة وأحب أني يكون لي دور في المجتمع ..
دايما يشوف عمره انه هو الصح .. وانا لأ …
جسمه ما يهتم فيه !!! والله يا بنات من ملج علي وهو يقول إن شاء الله بدخل النادي وبشد كرشتي وصدري عشانج ..
سوري بنات على هاللفظ .. بس بديت أقز من كرشته وصدره .. جسمه ضعيييف إلا هالمنطقتين شاذين ..
كمن مرة لمحت له .. مثل ما تحب أني أهتم بعمري عشانك انته بعد لازم تهتم بعمرك علشاني…
أحب أشوفه بملابس سبورت .. بس مووول ما يلبس إلا لو ظهر ويا ربعه ومب دوووم .. بس يوم يلعب كورة ..
احب أشوفه ببجايم في البيت .. وياما شريت له .. بس موووول ما يلبس !!!!
إذا أبا أهتم بعمري ما يعطيني المجال !!!
بعد ما ربيت جسمي اخترب شوي … قلت له أبا أدش نادي .. ما يطيع …
أبا أسير للصالون عسب اهتم بعمري علشاني قبل لا يكون على شانه .. ما يطيع .. قمت أييب استاف الصالون لعندي في البيت وياخذون دبل .. ويالله في الشهر مرة أو في الشهرين مرة …
أحب أهتم بويهي وااايد .. أحب أسويله تنظيف بشرة .. شنبي استحي يوم يطول شعره .. والله يا بنات كمن مرة أقوله ودني الصالون حذال بيتنا خمس دقايق بحف شنبي .. ياجل .. أو يقول ف يوم ثاااني ..
ياما فاجأته وسويت له سبرايز .. بس ….. يزعل ويقول ليش تلعبين بفلوسج ؟؟؟
احب آخذ لي كمن بدلة أو من هالدريسات القصار وألبسهن في البيت .. بس ما يوديني مكان عدل آخذ منه !!!
ولو خذيت من عند من اهلي أو خواتي لبس حلو ولبسته .. يقول الله حلو لبسج .. أنا ودي دووم تلبسين لي جذي ..
اقوله ودني المحلات اللي تبيع هالسوالف وبشتري ولا ببخل عليك ..
بخصوص العبي .. كل سنتين افصل كمن عبايا .. ولااازم بأرخص سعر .. والله العبي في المبت عندي يمكن بس 4 عبي .. كل ما أروح مناسبة آخذ من اختي اللي هب معرسه عبي ..
تييني وااايد لحظااات انقهر واتضااايق لدرجة احس اني بصيييح … ابا اعدله بس ما اعرف كيييف ؟؟
محدد لي أني ما أنزله عند أهله إلا ساعة وحدة بس في اليوم … ولو زدت عن الساعة يا ويلي .. طووول وقتي في محلقي .. ما عندي شي أسويه ..
والله فيني غصة يا بنات .. هو حنون وطيب .. بس هالأشيا مخربه عليه وااايد ومخلتني اكره الروتين اللي أنا فيه …
ابا اعدل هالاشيا اللي فيه .. اباه يهتم بعمره .. ما أبا أشوف حد غيره وما أبا الشيطان يضحك علي .. لأنه ريلي وابو عيالي .. كيييف اوصل له لااازم تهتم بعمرك وتهتم فيييني …
حتى في الفراش يا خواتي والله مليييييت من روتيييينه 4 سنين !!!! ولو غير في السنة مرة .. افرح وابين له أني احب انه يغير وامدحه وااايد .. بس بسرعة يرد على عادته … سمحولي ع الجرأة في الكلام بس أباكم تساعدوووني مالي غيركم أفضفض له … ساااااعدوووني خوااااااتي … دخيييلكن اللي تدش وتشوف موضوعي تعطيني افكااااار كيف اوصل له اللي بخااااطري ) هذربت وااايد ادري … بس أتمنى وصل لكم اللي بخاطري
بخصوص ريلج وقلة اهتمامه .. الرجل بطبيعته يحب المدح
امدحيه وانفخيه .. قوليله ما شاء الله جسمك حلو بس لو هالكريشه شوي تدخل ..
حاولي تزيدين ثقته بنفسه وفي النفس الوقت تعلقين على بعض الامور اللي مب حابتنه
اذا طلعتي معاه السوق .. قوليله خاطري في الشي الفلاني وأتمنى تفاجئني وتبيها لي هدية
اذا الشي ما يأ من نفسه فإنت اطلبي
حددي يوم روحي السوق معاه .. بس هاتيه بالمسايس يوم بتنزلون السوق .. دخلي المحلات اللي في خاطرج واشتري اللي تبينه
اذا ما قدرتي .. فالفلوس اللي يعطيها لج .. جمعيهم وعطي وحده من خواتج وخلهم يشترولج ويفصلولج عبي
بقولج شي .. الريال غييييييييير عن الحرمه
الحرمة بطبيعتها تحب تكشخ وتتعدل وتهتم بنفسها
عكس الريال ما يهتم لمثل هالامور .. مكرش عادي عنده .. مطول شعره بعد عادي .. يعنى شخصيات الرياييل غييير عن الحريم
بخصوص الهدايا .. بعد اقولج في رياييل يحبون حريمهم بس والله ما ييي على بالهم يهدون حريمهم .. مب بخل بس هم جيه
في رياييل من هالنوع ما يي على باله يهدي .. حتى لو الوحده مب مقصره معاهم
يوم بتطلعين معاه مري على المحلات وقوليله شوف البدلة الفلانية هذي حلوة والله خاطري فيها ..
هذا حلو .. خاطري لو عندي منها .. فيمكن يرد عليج تبينها باخذها لج
يعنى اتبعيمعاه الاسلوب .. وشوي شوي .. بييب من نفسه
الشي الثالث اللي هو الطلعات .. حاولي تقترحين عليه في يوم تروحون تتمشون في المكان الفلاني .. سويله أجواء وادري انج مب مقصرة
بس بعد زيدي الجرعه ..
الصرفيات لا تاخذين أشياء غالية واايد وتعطينها له هدايا .. طبيعي بقولج ليش تخسرين عمرج ( وريلي بعد كان من هالنوع ) صح كنت اتضايق بس كنت اطنش
الفلوس اللي عندج بدال ما تاخذيله هدايا كل مرةه … فاشتريلج فيهم ولا تحرمين عمرج
وصدقيني ما فيها شي لو عطيتي خواتج ياخذولج اذا هم عارفين ذوقج ..
ما فيها شي لو يعرفون انه ريلج ما يحب يسير السوق
وادعي واايد وأكثري من الاستغفار بنية انه يتغير
بس من كلامج ما حسيت انه في مشكلة بينكم الحمدلله .. غير هالاشياء البسيطة وحاولي ما تضايقين عمرج فيها ^_^
والله ييسر اموركم ان شاء الله
لاكن لاماانع انج تحاولين معاااه كثره الدق يفج اللحام
اهم شي انه ريلج زين ومحترم ويحبج
ان فاهمه شنو تقصدين تعجبه شغلات في اللبس بس مايطلعج حاولي تقنعيه انج تطلعين السوق مع اهلج