من باجر ببدا رجيم العيش والروب ..اللي بيشاركني حياه :) سلامة الحمل

مليتو من الرجيم صح .. انا استويت من اقول بسوي رجيم اذكر الدياي المشواي ههههههه
لانه كل رجيم اسويه اول شئ احطه في اللسته الدياي المشواي..

هالمره قلت بغير لاني ابغي اضعف صدق و من خاطري .. في هالفتره ما سويت رجيم قلت ما عليه
خل امتن و اخذت راحتي في الاكل و عقبها ببدأ رجيم لاني احس اني ما اتهنى في اكلي
اسبوعين اكل و اسبوع رجيم و الخبط في الاكل ..

يلست ادور على رجيم حلوووو و ما ايوع و غير جي انه يضعف ..

شفت هالرجيم ( العيش و الروب ) بس بدون شئ ثاني اعتقد كل حد يحب العيش خاصه الخليجيين
الوجبه الرئيسيه اتكون ما نستغنى عنها ..

العضوه مملكه حزن كاتبه هالرجيم و انا نويت ابدأ فيه من باجر
و هذا رابط موضوعها ..
https://forum.uaewomen.net/showthread.php?t=471353

الرجيم عبارة عن
وجبة الفطور …
كاس كبير عصير برتقال بدون سكر ..
الغداء …
رز ابيض مطبوخ بدون ملح وبدون زيت( يعني رز مسلوق ) + زبادي قليل الدسم ..( بأي كمية تبين تاكلين يعني لين ما ينترس بطنج ) + كاس عصير برتقال ..
العشاء …
مثل الغداء
..ملاحظة ..
ممنوع تناول اي شي ثاني غير الرز والزبادي

طبعا انا زياده على هالرجيم ضفت شاي وولونغ طلبته من الاخت akka و ان شاء الله الشركه قالتلي باجر بيوصلني و بستعمله ..

من غير اني بستعمل فيتامينات تعويض عن اللي افقده وقت الرجيم لانه معروف من نبدا رجيم
او شئ الشعر تساقط و انا اذا اتساقط عن ما هو بصلع و انا مب ناقصه بعدني صغيره ..

من غير انه الجسم نفسه يفقد فيتامينات و ان شاء الله من بنت خالتي تيبلي اياهم بخبركم عنها
انا موصتنها هي تيبلي لانها صيدلانيه ..

حاليا وزني 65.6 و ان شاء الله انقص 13 كيلو و اذا نقصت زياده خير و بركه
طولي 159 او 157 ما اعرف بس تقريبا بهالحدود..

اللي حابه اتشارك تكتب طولها و وزنها و كم ناويه تنقص..

بنـــــــــــــات ضروووووووووووري تشربون ماي عشان ما يستويلكم امساك
و لانه الجسم يحتاج الى 8 اكواب ماء يوميا ..

كل وحده تخبرنا بالنتايج كل 4 ايام على الاقل و اللي خايفه من هالرجيم و اتقول يمكن امتن اتجربه
اسبوع ما بتخسر شئ

و اتحط هذا الشعار
( حياتي كلها صحه و رشاقة )
و اتمنى لكم حياه كلها صحه و رشاقه

من المعلوم ان الارز المغسول هو ارز عادي يفقد نشوياته عبر الغسيل وتقدر نسبة
النشويات به حولي 7 % بالميه ولذالك فإن الامر لا يتعلق بغسل الارز او لا
حيث ان تناول كميه كبيره من يعوض عن التوفير الحاصل في الكربوهيدارات عبر الغسيل

يبدو سر نجاح هذا الرجيم هو مبدا النوع الواحد

تقول المؤلفه ان سبب السمنه هو سؤ الهضم او عدم اتمام هضم الطعام
والسبب هو مشآركات خاطئه بين انواع الطعام مما ينجم عنه بقآء الطعام في
المعده او الامعاء لفتره طويله من الوقت فيتفسخ ويتعفن ويولد نواتج ضآره
تنتشر في الامعاء وتؤدي الى السمنه

هذآ الرجيم هو اعظم رجيم بالعالم [ نحن لم نطلق عليه هذآ الاسم ]
بل مؤلفه إستاذة علم النفس جودي موسكوفتيش..
قآلت انه اخطر وانجح رجيم عرفه الانسآن..ملايين الاوربين مهووسون بالارز
لان بهذآ النظام الغذآئي يأكلون ما يشآئوون من الارز وينقص وزنهم