اول يوم راح نكون في دبي مول وراح نشوف احواض السمك ومنها نتعشى في سوق البحار ونتفرج على النافورة الراقصة واذا حصل نصعد في برج خليفة-
ثاني يوم للامارات مول ونشوف عالم الثلج
ثالث يوم عالم فراري وعلشانه كبير ومعي صغار راح يكون اليوم كله فيه-
رابع يوم سمعت عن حديقة حيوان العين وراح نتغدى في فندق ميركورعلى سفح جبل -وان كان فيه وقت اضافي ممكن نتمشى في الشوارع او نمر مركز بن بطوطة-
خامس يوم حديقة الخور نركب تلفريك ونشوف عروض الدلافين ونلعب الصغار-
سادس يوم عالم مدهش -وبعد ودي بحديقة حيوان الشارقة زرتها قبل وعجبتني –
بس عندي سؤالين عن الباص البرمائي في اي منطقة يكون وبعد هو يستاهل-ايضا بالنسبة للمنطاد الي يكون موقعه عند ابن بطوطة يستاهل ركوبه؟
الله الله في الردود وعطوني الايجابيات والسلبيات -والي عندها شقق سكنية باسعار معقولة تتراوح بين 800 الى 1000 درهم بمنطقة حلوة وتكون محافظة لان معي عيال وشباب تعطيني عنوانها –
واي وحدة تبيني اخدمها في الرياض انا بالخدمة –
وسؤال اخير ايش اسم المنطقة الي فيها مول الامارات ودبي مول وحديقة الخور –
وكل الشكر لكل وحدة تقرأ موضوعي وترد عليه-
حلوو ترتيبج للسياحه بس لو تخلين اول فتره يعني اول 4 ايام في دبي
ويومين في بوظبي
واخر يوم في العين
وانا بقولج عن حديقه العين للحيوانات .." حلوه ومرتبه والافضل تروحون لها الصبح " وبعدها تروحون بوادي مول تتغدون وتقعدون تتمشون فيه الين يبرد الوقت بعدين روحوا جبل حفيت اللي فيه هالفندق و روحوا المبزره يعني بعد المغرب الجو بيكون حلو ..
واتمنى لكم رحله سعيده في ربوع الامارات ^.^
بانتظار ردود بنات الزين-
بالنسبه لسؤالج عن هاي الاماكن
مول الامارات ودبي مول وحديقة الخور
مول الامارات في القوز واذا مشيتوا على شارع الشيخ زايد توصلون له بسهوله
دبي مول مم بيكون ورا زعبيل الثانيه وممكن تاخذون شارع الشيخ زايد او شارع الخيل
وحديقه الخور موجوده في عود ميثاء
بنات افيدوني بالشقق السكنية افضل منطقة للسكن ةتكةن محافظة واسعارها معقولة-
وعندي استفسار مهم المترو وين موقعه بالضبط بدايته ونهايته-
الشقق مالج الا منطقه البرشا قبل الامارات مول
فيه وااايد شقق بس حاولي تحجزين من بوكينغ من قبل بوقت لانه زحمه
كورب للشقق الفندقيه رووعه
سينترو
فيه وااايد شقق نظام فنادق وقريبه لامارات مول
يابنات هل من مزيد اطمع في كرمكم