عندي مشكلة و أبا اتخبركن عنها
من بديت استخدم المكينة اللي نشل بها شعر الإيد و الريل و أنا ما جربت غير ماركة براون
بصراحة اوكي و مرتاحة منها بسسسس شي مشكلة اتكررت معاي مرتين و مستغربة و متغصصة لأن المكينه تكون بعدها يديده و توقف مررررة وحده شحقه ما دري
قلت ف خاطري يمكن الشعر يدخل داخل المكينة و يتيمع فما تتحرك العجلة !!
المهم وديتها مكان ما خذتها و قاللي بنطرشها الشركة فالخارج المهم برع البلاد و يكلفج تصليحها 150درهم اذا مب أكثر طبعا للمكينة الوحده و انا عندي مكينتين يداد استوت فيهن نفس الحركة !!
عاده شليت بعمري و طلعت قلت باخذ لي مكينه يديده احسن بس بعد مب هاين علي لأن مكايني بقراطيسهن و انا من النوع اللي يحافظ وااايد ع اغراضه كل قطعه بكيسها و لالالالازم انظفها بعد كل استخدام بس ما أدري شحقه استوى جيه !!
سرت اليوم محل يبيع اجهزه كهربائية و يعدلها ،،
بعد يوم شاف المكينة قال لريلي شلها ما شي فايده انا يوميا تييني من من هالمكينه و فيها نفس المشكلة يعني وااايدين يعانون غيري 
و قال ان الشركة تركب قطعة بلاستيكية ونوعيتها مش اوكي داخل المكينة بدال ما تكون معدن و قال انه من كثر ما يونه يبونه يصلح مكاينهم قام و دور شراتها فالسوق كله لكنه مب ملاقنها و قااااال و الكلام له و انا ما عرف مصداقيته ان الشركة تتعمد تحط هالقطعة اللي تخترب بسرعة عسب يرد الكستمر يوديها يصلحها عنده و يستفيد منهم أكثر و أكثر !!
عقب هذا كله أدري سالفة طويييييييييييييلة و مالها داعي بسسس ابا اعرف شو اسوي بهالمكينتين اللي عندي
اوديهن للوكيل و أمري لله
و لا في طريقة وحده منكن يربتها ويابت فايده
ولا وحده تعرف مكان صلحت فيه مكينتها و اتعدلت
فدييييييييييييتكن ساعدوني شو أسوي ؟؟؟؟؟؟؟؟؟؟؟؟؟
و من عرست يعني من سنتين خذت غيرها و بعد امشيه وياي
بنوته : انا مستغربه تدرين اني في تقريبا 4 سنين خذت 3 مكاين وحده ضاعت و هنتين اتعطلوا
و ختي تبارك الله تبارك الله من 7 سنين ع مكينه وحده وبعدها شغالة و ممتازة
انا نحيسه ولا شو بالضبط ؟؟؟؟
انا شارية مكينه و عندي من اكثر من 4 سنين و بعدها شغالة
اختي انتي لازم تبطلينها لان في شعر يدخل تحت صوب هالقطعه اللي تدور و تظفيها بالفرشاة اللي اتيي مع المكينة
و اذا مب هذا سبب العطل فالله يعينج لان معروفه ماركة براون تعمر بس الغريب اللي عندج اختربن
والله انا من استخدمت هالمكينه وشعر ريولي كـــــــــــله تحت الجلد بموووووووووووووت من القهر
كلهم قالو لي من المكينه ومب اوكي وودرتها مع اني رديت وشريت اليديده ^^