ممكن من كل وحدة منكم نصيحة للثانوية العامة وشو الاخطاء الي ارتكبتها ؟؟ تعليم الامارات

السلام عليكم

^^
بما اني مقبلة على الثانوية العامة ؟؟
ممكن من كل وحدة منكم نصيحة للثانوية العامة وشو الاخطاء الي ارتكبتها عشان كل بنت مقبلة على الثانوية تتجنبها

واكون شاكرة لكم وفي ميزان حسناتكم

ف البدايه مبرووك على نجاحج وعقبال السنه اليايه نصييحه مني لج انج ما تستهرين ف السنه يعني بعض البنات يقولون ما بنتهم فالفصل الاول والثاني والفصل الثالث بنشد حيلنا ترى كل الفصول مرتبطله فبعض يعني ممكن ترفعج او تخسفج

الخطأ الي ارتكبته اني ما شديت حيلي من البدايه ولا الحين جان نسبتي ف التسعينات مب فالثمانينات
وطبعا انا الحين ندمانه اشد الندم بس الحمدالله على الاقل احسن من غيري وان شالله بعوضها ف الجامعه

بالتوفيق حبييبتي

أول شيء لازم تجددين النيه وتعقدين العزم أنج تيبين أحلى الدرجات
ولا تنسين أنج تشدين حيلج بالثلاث فصول حاولي قد ما ترومين انج تيمعين درجات

مبروك للناجحين
حبوبة ماعليج لا انج تتوكلين على الله وحاولي اول باول تحضرين الدروس وتراجعينها
والله يوفقكم في السنوات القادمة

من السنين خذت الثانويه يعني جديمه وايد خخخخخخخخخ بس ما يمنع أقولج عن الخطأ إللي وقعت فيه كنت أعطي وقت كافي للمواد الصعبه أذاكرهم بجهد والمادة السهله ما كنت أعطيها أي إهتمام وايد إشويه أذاكرها ويوم والنتيجه إن أسهل مادة وأحب مادة لي يبت فيها أقل درجه وندمت معنى كلامي لا تستهنين بأي مادة لازم تذاكرين كل المواد من بداية السنه وعسى الله يوفقج وتكونين من الأوائل ….

حلووه النصايح

نحن بحاجه لها بما أني السنة الياية ثنوية عامة قسم ادبي
بس خاايفة ماانجح ماادري لييش

بس ان شاء الله تكون نسبتي حلووه ^^

ويعطيج العافية انسة انيقة على هيك موضوع

ونحتاج نصايح للخريجات 2024 لنا شوو نسوي في الثانوية العامة

آحم آحم ..
معآج خريجة 2024 ..

آول شي عطي كل مآدة حقها فـ المذآكرة ولآتآخرين البحوث والتقارير واي شي يطلبونه منج ..
آنآ كنت أتآخر فـ التسليم وهذي كانت غلطتي بس مآأثرت يعني .. تدآركت الموضوع بشكل سريع ع نهاية السنة والحمدلله عدت على خير ..
في آيآام الآمتحآنآت لآتأجلين المذاكرة آبدي فيها ..
وحآولي تيمعين درجات فـ التقويم لآنج مآتضمينين امتحآن آخر السنة او الكورس بيكون سهل آو لآ ..!!
انصحج آبتعدي عن الشغل الجماعي اللي مامنه فآايدة يعني انتي تشتغلين والباجي تنكتب آسآميهم وهم مب مسوويين شي ..
يعني فكري بنفسج وبدراستج انتي وبس .. لآنه لو يلستي تسوويين حق فلانة وعلآنة ماآبتخلصين عمرج ..
مدرسآتج خليهم على عينج ورآسج وشدي حيلج في كل مآادة ..
وذآكري آول بآول يعني كل درس تخلصونه ردي البيت وسوي لج كتاب للمذآكرة واكتبي ملخص الدرس وذاكريه عدل وعقب يوم بتخلصون الدرس الثاني راجعي الآول وعقب نفس الحآلة سوي مخطط للدرس الثاني وذآكريه وجي ..
ويوم بيي يوم الآمتحآن بتكونين مذآكرة كل شي .. اللهم ترآجعين وبث ..

ربي يوفقج ويوفق جميع طلبة وطالبات الثآنوية العآمة ..
وآبتعدي عن آي شي ممكن يأثر على درآستج