ممكن.. صالونة قصر الهند للمطلقات

السلام عليكم ورحمة الله
خواتي وما عليكم امر بغيت اعرف طريقة صالونة الدجاج اللي يقدمونها في مطعم قصر الهند ياليت اللي تعرف ما تبخل علي بالطريفة لاني ابغيها ضروري

حبيبتي ما عندي فكرة

حبيبتي والله ما عندي فكرا اد القيته صدقيني راح اجيبه الك

تسلمون وان شاء الله تحصلونه لي

الصوالين الهنديه اشكال وانواع مختلفه اي نوع تقصدين

المقادير:
*صدور دجاج مقطعه مكعبات
*بصل مفروم.. وثوم مدقوق.. وكزبره مفرومه
*بزار( بهارات عربيه) ..كركم.. فلفل أسود مطحون.. كزبره مطحونه
*مكعب ماجي وملح
*زبده وزيت
*صلصة طماطم.. كوب روب.. وكوب حليب جوز الهند
*طماطم مقطعه مكعبات كبيره..أوراق الكاري وفلفل أخضر بارد مقطع مكعبات
الطريقه:
نسخن الزبده و الزيت عالنار ونضيف البصل ونحمسه لين ما يحمر وبعدين نضيف الثوم..مكعبات الدجاج ونقلبه مع البصل والثوم ونضيف البهارات ومكعب الماجي ثم الكزبره المفرومه ثم الطماطم وأوراق الكاري والفلفل البارد..
نخلط صلصة الطماطم والروب وحليب جوز الهند ونضعه على خليط الدجاج ونخليه يطبخ مع بعض وإذا نشف ممكن نزيد شوية ماي على حسب يعني نخلي الصالونه غليظه.. وملح حسب الرغبه..نغطي الجدر ونخلي الصالونه تطبخ على نار هاديه مدة نص ساعه
وصحتين على قلبج..