شحالكن اخواتي العزيزات عساكن بخير
احس بملل فضيع ………..انا ام لطفل واحد ماعندي غيره ويالسه في البيت اكد…
بس احس بوقت فراغ كبير ودي بأشيا وايده …….. ريلي مو مقصر معاي بس عندي وقت فراغ كبير..
صحيح اني اقرا واهتم بريلي وبيتي وبكل شي ورييلي يشهد اني مب مقصره بأي شي عمره ما اشتكى من تقصيري ما شاء الله تبارك الرحمن ولكن ودي بشي يديد بحياتي
ودي اشتغل ويكون عندي حساب من شغلي انا .. ريلي الله يحفظه مو مقصر معاي من الناحيه الماديه
بالعكس يعطيني اكثر من حاجتي وعندي اكثر من حاجتي بفضل الله لكن ودي اشتغل
بس ريلي مب راضي ابدن ولا قدرت اقنعه تعبت معاه …دايمن يقولي ليش انا مقصر معاج بشي ؟ ابدن مو مقصر لكن احس اني ابا اشتغل احس اني ابا اتغير ..
خوات ريلي ماشاء الله يشتغلن ولما يسولفن عن مواقف الدوام وايد حلو
صح انه كد لكن وناسه ويا بنات وسوالف ونص اليوم يمر .ريلي دقه قديمة على قولة خوواته مول ما يحب هالسوالف
عنده قانون الزوجه لبيتها وعيالها…. بس انا مليت ابا تغيير في حياتي ….ودي اطلع واحس بشي غير
ودي اروح والتزم بمكان ثاني
قلتله بشتغل في بنوك اسلاميه مافيها رياييل لكن رافض هالموضوع ………اسم شغل رافضنه ويردد انا مب مقصر معاج بشي شو تبينه واعطيج … بس ما ابا دوم اخذ منه ما ابا هالشي ..للعلم عندي حساب ويحط لي مصروف شهري لاني من قبل قلتله ان مو حلوه كله اقولك عطني وعطني .. ففتح لي حساب
بس بعد ما ابا كله اخذ منه
اابا احس ان لي دخل خاص من تعبي …وبعدين انا كله يالسه بالبيت واهلي بالمغرب وما عندي صديقات لن ريلي رافض فكرة الصديقات ,,,عنده قاعده الصديقات اغلبهن يخربن……….. اووووووووووه يازوجي من افكارك
نفسي ودي ودي اشتغل ما ابا اسير الجيم ولا غيره والله خاطري اشتغل ويومي يمر بسرعه ……….
اخت ريلي اقترحت لي اقتراح قالتلي اني شاطره بامور الاعشاب والخلطات اشتغلي تاجره …. قلتله خلاص عيل بشتغل وانا ببيتي يعني بصير تاجره للاشيا الطبيعيه وانا اعرف سوالف خلطات واعشاب وسوالف الحمام المغربي وغيره
لكنه بعده رافض
انا هوايتي هالامور وهوايتي الاعشاب لكنه عنيد ويرجع ويقول الي تبينه بعطيج…………………
بس ابا اشتغل ابا اتحرك ابا اسوي شي لاني ملانه
بناااااااااااااااااااات شورو علي انا صج ملانه ومضايجه
شسوي ؟
لو الحرمه هب محتاجه ماله داعي تشتغل تتجنب المشاكل وتربي اليهال
بس بعد هالشي ما يمنع انج تكونين فرد منتج و منه تقضين وقت فرااغج
فديتج احساسج بالوحده لبعد اهلج عنج و هالشي صعب ربي يصبرج
قولي له اختبرني شهر لو قصرت بشي بودر التجاره و بفضى لك وان شاءالله
تتيسر الامور و نشوفج تاجره لج بصمه
المشاركة الأصلية كتبت بواسطة سفيرة دبـي 
لو الحرمه هب محتاجه ماله داعي تشتغل تتجنب المشاكل وتربي اليهال
بس بعد هالشي ما يمنع انج تكونين فرد منتج و منه تقضين وقت فرااغج
فديتج احساسج بالوحده لبعد اهلج عنج و هالشي صعب ربي يصبرج
قولي له اختبرني شهر لو قصرت بشي بودر التجاره و بفضى لك وان شاءالله
تتيسر الامور و نشوفج تاجره لج بصمه
مشكورة الغاليه على كلامج الحلو والطيب
بحاول قد ما اقدر اني اقوله يجربني وان قصرت معاه يمنعني من كل شي خخخخخخخخ
مرورج عطر الصفحه غاليتي
المشاركة الأصلية كتبت بواسطة بنت الطموح اللهم بلغنا رمضان
غير بسياسة اختي قولي ليه عطيني غير فرصة وشوف لا قصرت في داري وولدي خلاص مانبقاش نبيع عبرالنت
وان شاء الله راجلك يلين واله يهديه ليك ان شاء الله