خواتي حبيت أشارككم بتجربتي مع سكراب القهوة
سويت سكراب القهوة للجسم وكان فظييييع ما شاء الله ما يخلي سيلولايت ابد وبعد لاحظته ينحف و يشد الجسم والصدر والرقبة والنتيجة فورية وتستمر ايام طويلة
وهذي خلطتي الخاصة:
كاسين قهوة تركية بنية (مش السودة)
كاس سكر قصب خام لونه بني
كاس ملح بحري
طحنتهم مع بعض في مطحنة القهوة على دفعات وحطيتهم في علبة كبيرة وبعدين صبيت عليهم زيت الزيتون بالتدريج.. امزج وازيد الزيت لحد ماصار مايع وشبه سائل
تركتهم خمسة ايام عشان المواد تتداخل مع بعض وممكن تتركينهم فترة اطول
الاستخدام:
تحركين المكونات اللي في العلبة بالملعقة عدل عدل
عقب تاخذين مقدار ملّة او اللي يكفي جسمج
في الحمام و على بشرة جافة سكراب القهوة من الاسفل مع التدليك وبالتدريج للأعلى
بتلاحظين الجلد يحمر شوي مع الفرك واذا ما احمر.. افركي زيادة
بدون ضغط مجرد حركات دائرية لأن السكراب خشن كفاية
وحتى على الصدر والعنق و الوجه آخر شي
بعدين غسلي فقط بماء دافئ ونشفي بالفوطة عادي
ولا تغسلينه بالصابون الا بعد مرور ست ساعات على الاقل
ولا تخافون مايصبغ في الجسم
اذا عندج سمنة زايدة و سيلولايت كثير سوي السكراب ثلاث مرات بالاسبوع
اذا خفيف يكفي مرة بالاسبوع
وضروري شرب كميات من الماء مع هذا السكراب
دعواتكم لي بظهر الغيب ان الله يكتب لي و لعائلتي الخير ويصرف عنا السوء
و صدق انا جربت سكراب القهوه من فرانك وحيل خفف لي السترچ مارك
المشاركة الأصلية كتبت بواسطة ميميه88 
ممتاز للسيلولايت وللشد
بالنسبة للتنحيف؟؟ ما اقدر افيدج الصراحة
لاحظت راحت بعض البروزات بس يمكن هذي سوائل!!!
و بعد ما صغّر صدري بس رفعاه من اول استعمال ما شاء الله
لكن بطني ماضعف.. فيمكن لأنه ما يذوّب الدهون؟؟!!
المشاركة الأصلية كتبت بواسطة ميميه88 كله من اللولو: سكر القصب والملح البحري وحتى القهوة (طحنوها جدامي، لكن رديت البيت طحنتهم مع بعض المكونات عشان يتقاربون في الحجم الذرات)
بس زيت الزيتون من فلسطين