على كل حال .
الله يعافيكم انا ودي اقولكم شو صارلي من فتره كانت عيوني اليمين ترف وايد وكلهم يقولو لي خير بيصير ولكن ..
المهم
اليوم الرابع صار مثل شي فعيوني وابا اطلعه يعني مثل الشعره فالعين وخاطري اطلعها مضايقتني ولكن مافي شي فعيوني وفي نفس اليوم شرات المغرب بعد كم ساعه حسيت شي فيني غريب سرت اطالع عمري في المنظره واكتشفت انه عيني اليمين اللي معذببتني ماترف يعني يوم ارف عيني اليسار عادي ترف لكن اليمين لا ..استغربت ..
سرت اسأل يدتي قالت لي سيري اغسلس عيونج فماي بارد..وغسلت.. المهم قلت انا يمكن عشان فيني رقاد بسير ارقد وخلاص عادي المهم رقدت ونشيت عشان اداوم لقيت عيوني مازللت سرت داومت بعد نص الدوام سرت عند الدكتوره مالت الكليه وشافتني وقالت لي سيري الطوارئ يعني المستشفى وعطتني اجازه انا ماسرت داومت وخلصت دوام وبعد الدوام سرت الطوارئ ريلي وداني المهم دشيت عند الدكتوره وشيكت علي وقالت لي كلمتين صدمني حييل قالت لي انتي عندج بداية الشلل النصفي!!!!!!! للوجه يسمونه خلل الخد السابع يقولون اسمه بو بريقع الله يكافيكم شره وعطتني كرتزون على شكل جرعات وطبعا قالت فطمي بنتج للعلم بنتي عمرها شهرين قالت افطميها مده اربع ايام لأنه الكرتزون في هالاربعه ايام جرعه زايده ياهل مايتحمله وعطتني تحويل لقسم الاعصاب عشان علاج طبيعي …!!!؟؟؟ وقالت هذا من سببين يا انج متسبحه وطلعتي من الحمام وظربج براد يا انج عندج سبب نفسي متعبنج تعب <<<<<< انا هذا السبب اللي عندي لأنه عندي بنتين وتوني مربيه من شهرين ودوام ودراسه وسهر والريل من صوب وكله ضغط في ضغط <<<<لا حد يسوي شراتي ااذا شفتوا عمركم جي حاولو تخففو علا عماركم!!
المهم ماباقي شي عن تخلص الكليه باقي اسبوعين واحس حرام اودرها الحين ترا المفروض اني اودرها لأنه الجو العادي مضر حقي ومادري اذا الكليه بيراعوني لأنه بشوفهم يوم الاحدّ!!!!
بنات خلاص تعبانه شو اسوي ؟؟؟؟ سااااعدوني
الحين احس انه بدا يوضح فويهي الاعراض يعني شفايفي بدت تنعوج يوم ارمس وعيني تدمع وايد وماترف يعني اذا رقدت تسكر لكن مب كامله والله يعين اخاف تتغير ملامحي اكثر عن جي لأنه اعرف وحده صابها شراتي وسار عنها لكن بعدها الآثار موجوده مبينه للعلم انا عمري 20 سنه الله يشفي الجميع ان شاء الله
ابيكم تعطوني اي معلومه عن هذا المرض الله يخليكم يعني اذا تعرفون حد صارله شراتي وشفا ورد طبيعي وشو العلاج اللي سواه يعني اي معلومه عنه؟؟؟!!
وادعولي بالشــــــــــــــــفــــــــــاء العاجل
الله يشفيج ويعافيج ياارب
بسم الله شو صار مرة وحدة
حاولي حبيبتي
كل يوم تتحصنين صبح ومسا وربي يشفيج ياارب
الله يشفيج ان شـا الله
ياريت اعرف عن هالشلل كنت افدتج بس للأسف ما عندي معلومات عنه
بس انت اسألى ولا تهملينه وان شاء الله خير يار بالعالمين
أختي أنا ما اعرف بس شو السبب ؟
ما سبب هالمرض ..
خبريني ،،،
بغيت اعرف أنتي شرات ابوي او لا ،،
اذا شرات ابوي بالعكس في علاج ،،،،