معلومه خاطئه و((مهمه)) لجميع الي يطبخون!عن الروبيان المثلج وجميع المأكولات المثلجه!! للمطلقات

السلام عليكم ورحمة الله وبركاته

شحالكن ياسيدات الإمارات :1 (20):

أمس كنت اتكلم مع اختي بـ سالفه

وهالسالفه وااااااااايد بتهمكم ..

قالتلي اختي باجر بسويلكم ربيان .. فـ قلتلها ليكون المثلج الي في أكياس؟؟ :1 (6):

قالتلي هيه ليش شو فيه ؟؟؟

وخبرتها عن الموضوع الي كتبته الأخت أمطار شرقيه ..

هذا هو للي حابه تشوفه

المشاركة الأصلية كتبت بواسطة امطار شرقية

السلام عليكم ورحمة الله وبركاته ، خواتي الكريمات في شخص نعرفه كان يداوم في شركة اختصاصها

اتثلج المؤكولات السريعة ومن فترة خبرنا عن طريقة تعبئة الروبيان في الاكياس وعسب مايخترب

يعبون في الكيس غاز :1 (2): وهذا الشي وايد مضر بالصحة مع الوقت واقصد الروبيان المثلج اللي

ينباع في الجمعيات والسوبر ماركت وعسب جذا خواتي احسن لكن تاخذون الروبيان الطازج او

المجفف والسموحة …

شويه إلا اشوف اختي تضحك :1 (19): :1 (19): وانا استغربت :1 (6): وسألتها عن سبب ضحكها :1 (7):

جان اتقولي ..

انه هذا الغاز الي يعبون فيه هالمأكولات .. هو غاز (( النيتروجين ))

وهو غير مضر بالصحه ..

ونفس هالمبدأ يتخذونه في تعبئة أكياس الشيبس (( البطاطس ))

علشان جي تشوفونه منتفخ :1 (7):

حتى لو لاحظتوا فيه بعض من أنواع هالشيبس مكتوب على كيسها الخارجي

(( معبأ بغاز النتيروجين حفاظاً على البطاطس ))

وقالتلي انها راحت مره ( مركز الاستكشاف فالشارقه )

في رحله مدرسيه .. وعرّفوهم على هذا الغاز واستخداماته بشكل مفصّل ..

فـ حبيت اقولكم بهذي المعلومه علشان محد يخاف من استعمال هالأشياء :1 (35):

ولاتنسون انه الدوله لو كانت تعرف انه هالشي مضر مابتكون دخلته وتبيعه علنياً في الجمعيات التعاونيه :1 (80):

والسموووحه

اختكم
شيخة الحريم :22 (13):

.*.*.*.*.*.