معاناتي مع محلات العبي مكياج عصري

السلام عليكم خواتي
بخبركم عن معاناتي ويا محلات العبي وهاي السالفة من اسبوعين
رحت عند محل حناين لتفصيل العبايات وهذا في راس الخيمة لأني كنت مضطرة وما عندي وقت
المهم اخترت ديزاين عيبني وغيرت الوان الفصوص ذهبي وأزرق والريال تم يقولي اوك وأوك
وأكدت على الوان الفصوص كم مرة وهو يقولي ان شاء الله
انزين واتفقنا على موعد التسليم ودفعت له العربون وبعد يبتله شيله من عندي أي من محل معروف
والحين يا وقت التسليم
انصعقت ودمي فار وأول مرة يصير لي شذه
الحبيب شو مسوي صح اني قلتله يحطلي بس لونين وقلتله شو الألوان ولكن سوالي لون الأزرق مع الون الأصفر
والحين يلا ليش سويت شذي أون أنت قلت حط الألوان شذه أنزين قلتلك أزرق وذهبي وأنت حطيت لي بدال الذهبي أصفر يا خوي اتصل أو لاتسويه ليش ماخذ رقم التلفون
المهم قالي خذي وهاذي الألوان الي طلبتيه وانا مصرة على رايي اما يسوي الألوان ألي أباه أو يرد لي العربون مع قيمة الشيلة وشو قالي تاخذينه غصب وما بسوي غيره وما بردلش العربون
انزين مع تعاملي مع كذا محل عمرهم ما اغلطوا معاي واذا بسوي شي او بغير شي على طول يسولي
ولكن الي شفته من هذا المحل عمري ما شفته من محل ثاني
انزين شو رايكم انتوا والحق ويا منوا
والسموحة

ووووين برااس الخيمه .. والخيبه حد منهم يضبط وحد لا…

بس مغاامرااات بتااان الله يخليج..بس احسن عن غيرررهم…
يااخذون 250 او 300 وان كثروو 600
ولا غيررهم يصكج ب1000 اوو 2000 وعلى مووديلااات مااتسووووووو

صدق ولا لأ بذمتج …

لا وبزيد بعد في وحدة تخبرني انها فصلت عباه عند نفس المحل ويوم راحت تستلم العباية مركب الفصوص بطريقة غير متوازية المهم قالتله ليش هذا مب سيدة شان يرد عليها ويقول منوا بيشوف ما حد بيدقق
الله يعين اذا هذيلا البتان يقصون على العالم ويلطمون بيزات الناس
الواحد اذا بيدفع يدفع على شى يسوى
صح ولا لا
والسموحة

مرحبا أختي
أعرف بنت من الشارجة بدت مشروعها الجديد في الخياطة في البيت وشغلها واايد حلووعندها ستاف من الخياطين والماستر كتر ومصمم من ربع مايكل اللي تصاميمه تخبل أسعارها واااييد مشجعة وتحب أتساعد البنات اللي على وش جواز مثل مايقولون : كل اللي يخطر على بالك تخيطه من فساتين الزفاف إلى السهرة والأطفال والبيبيهات وقمصان النوم والتنانير والجلابيات وخاصةاالعبي والشيل وتستعمل ماركة الصالونة رقم 1 الأصلي والأنترنت وبرج العرب وممكن تفصلج وتخيط لج بالجملة بأرخص من أنج تشترين جاهز واللي تبا الرقم تتواصل وياي على الخاص

الله يعينج مع المهندة ………….
غلامور ممكن الغاليه الرقم ؟

نفس المعاناة نقول لهم شي ويطلع شي غيييييييييييير
غلامور ممكن حبيبتي الرقم

الله يعينج ..ساعات المحلات جيه يسوون..

بس بغيت اقولج الفصوص مافي لون ذهبي بس في لون عسلي..لونه ياي عالذهبي..

انتي لو قلتليه اريد ارزق وعسلي جان تفاديتي هالمشكله..