مشكورات الغاليات وبغيت نصيحة…. عالم الامومة

السلام عليكم

الغاليات موضوعي كان اني انفصلت عن ريلي واهاني وعطاني كف وقالي انتي طالق واسمحولي ما أعرف كيف أحط رابط الموضوع السابق والي قرت موضوعي ودعتلي ونصحتني جزاها الله خير ومشكورات على اهتمامكم بس الحين صالنا 20 يوم مانكلم بعض فبغيت نصيحتكم في من ربيعاتي من تقولي انتي دقيله وخلاص وفي الي تقولي اتريي لين ما تشوفين شو بيسوي عشان تعرفين غلاتج وجي انتي وبنتج بس ما ادري انا متضايقة ومجروحة منه بس بعد اشتقت له ومب هاين علي ادق ما ادري انتو شو تنصحوني ومشكورات مقدما؟؟؟

ليييييييييييييييش 17 زيارة ولا رد لهالدرجة سالفة طلاقي تافهة أنا آسفة اني ازعجتكم ……

الله يسعدج حبوبه

مالج غير الاستخاره و جوفي اللي يريحج

حبيت ارفعلج الموضووع

الله يسعدج ويوفقج ويهدي ريلج ويقرب قلوبكم

أنا أحس لازم هو يدق مب انتي.. عشان لا يكررها وأهم شي ما يهينج و اذا كنتي تبين تعطينه فرصه ثانية وهو مب سائل دخلي طرف ثالث للصلح عشان مايحس ان انت ماتستغنين عنه وعشان مايكرر أخطاءه.. والله يصلحكم..

ريم العين8 وجواري اليم مشكورات ويزاكم الله خير

بس ليش ماحد يرد والله اني تعبانة ونفسيتي زفت بس نصايحكم الله لا يحرمكم من رياييلكم وعيالكم…آميييين

اصبري بعدج شوي وان شاء الله بترجعون نفس لاول واحسن

لا فديتج لا تتصلين ولا شيات صافعنج وعاق عليج الطلقة وبعد فوق ها تتصليبه اسميج غلطانه ومليون مرة حتى لو اشتقتي له حطي ع قلبج حصاااااااااااااااااااااااااه حارة ويودي عمرج لاتتصليبه خل هو يحس بقيمتج ويحس انتي منو هب ضرب وطلاق سهل عنده انا لو مكانج والله مابتصل بعلمه منو اكون انا خليه لين ماتطيح من راسه كرامتج الغالية فوق كل شي ……………………. اسمحيلي وهذا رايي لو انا مكانج بسم الله علي مابتصل خير شر….؟