مشكلتي قبل العيد بيوم سرت الصالون اشقر حواجبي ,,, وليتني ما سرت ,, الله يهديها الهنديه حطت المشقر واقوللها يحرقني وتقولي لا عادي لين ما شلته….
طبعا بغيت اصيح لاني حسيت باني احترقت وقلتلها شوفي انتي حرقتيني وقالت هذا بيروح لين باجر.
سرت البييت وحطيت ميبو لانه كان لونه احمر على ينفسجي غامج.. ونفخه على العيون
صباح العيد شفت اللي ما يتشاهد
الجلد محترق وطبقة الحرق مبينه بشكل كبير لدرجة اني ما قدرت اغسل ويهي وما عندي شغله غير اني اصيح
حاول ريلي يهديني بس بصراحه تضايقت لانه اول يوم العيد … طبعا ما سرت مكان لا بيت اهليه ولا عند اهل ريلي لان الحرق وااضح
ابا اسير المستشفى بس كلهم مسكرين عشان العيد
العصر سرت الصيدليه وعطاني ميبو بعد
المهم الحين الحمدلله اختفت طبقة الجلد المحترقة بس اللي مزعجني انه في اثار واضحه .. انا بيضه وعلى جبهتي وخشمي وجفوني لون حنطي اللي هو اثر الحرق…….
فبليز خواتي شورن علي وساعدوني وطمنوني, هالاثار بتروح وشو اسوي ، لاني فعلا متضايقه وما احب اسير مكان لاني متعوده اذا طلعت احط بودره خفيفه وبس مب كونسيلر وسوالف…
ويزاكن الله خير
انتي اول مره تشقري ؟!
بعد كل مره تغسلين ويهج حطي ع الاثار ميبو .. صدقيني بيروووح
خليه فالحمام ونشفي وحطيه يوم ولا يومين بالكثير وبيروح ان شالله
انا قبل العيد احترقت ايدي بالزيت صارت ايدي فيها دواوير من الزيت وتميت أحط كل ما أغسل ايدي ارجع احطه لو تشوفينه الحين دواوير صغار والون الحنطي راح من بين الدواوير
حتى صورتها ايدي وقت الحرق ولو تبيني اراويج الفرق بتنصدمي وانا استخدمته يمكن 5 ايام بس لو كملت يمكن يروح
الميبوو وااايد زين حتي يعالج اثار الخياطة والحروق القديمة
ميبو من احسن العلاجات للحروق
اي واحد استخدمتي اللي فيه ورود واللا اللي فيه خطين ؟؟؟؟؟
والله ما يخلي أثر أبدا أبدا أبدا
انا استعمل الميبو بو خطين وراح استعمل العسل ان شاء الله
دعواتكن فديت روحكن ويزاكن الله خير
الحمدلله عالسلامه وما تشوفين شر
انا مره احترقت فروة راسي من الصبغه ومن يومها تادبت اذا حسيت ان الصبغ يحرق اخبرها على طول خاصه يوم تحط المجفف عراسي والصبغ عليه اخليها توقف
مره ثانيه من تحسين انه البشرة تحرقج اكثر من الطبيعي على طول قوليلها شيليه واذا قالت لا عادي شليه بروحج وخليها تحط كريم الحروق او فازلين على الاقل لا تكملين التشقير او الصبغ ترى والله خطر
الحين تادبت ما اروح اصبغ الا وشعري مب مغسول كم يوم او اغسله بماي بدون لا افركه وبما اني عزوبيه 
عادي اروح وحاطه زيت بشعري يوم كامل
خلاص تعلمت ان ما في شي اسمه مستحى واحراج بالصالون اذا الشي يضرني ترانا نعطيهن فلوس مب بلاش الشغله
اظن الاحساس العادي للتشقير هو سخونه بسيطة مب يحرق وايد مع ان عمري ما شقرت بس هذا هو الاحساس الطبيعي لاي كريم
وان شالله ما يتم اثر وماجوره يا رب