خواتي أنا وايد خايفه .. ياليت أحد يساعدني وينصحني ويخبرني اذا صار له نفسي
هذا أول حمل لي .. وأنا كنت أعاني من فقر الدم من قبل لا أحمل بس كنت وايد مستهتره ومطنشه
أراجع في مستشفى حكومي وخاص … من الشهر الثالث قالوا لي عندج نقص بسيط فالدم بنسبة 10.6 ووصفولي حبوب الحديد مره يومياً
الشهر الرابع انصدمت الدكتوره ان الدم قاعد ينزل مع اني منتظمه فالحبوب وكل شي صار بنسبة 10.1 ووصفت لي حبوب الحديد مرتين يومياً
هني بديت أخاف وأقرى أكثر كيف ممكن أزيد دمي بالفواكه والخضروات وشو اللي يمنع امتصاص الدم وشو اللي يساعد … وكيف أن نقص الدم يأثر عالجنين والأوكسجين اللي يوصل له 
والحمدلله صرت اكل سلطات وايد سبانخ وورقيات وأشرب كركديه وأكثر الماي وامتنعت تماماً عن الشاي والكوفي وأنتظم عالحبوب ومتفاءله خير
حالياً أنا فالخامس ومن يومين تعبت وايد ياني الم صوب البطن الجهة اليسار ذبحني ورحت المستشفى وحطوا مغذي وخفت عالبيبي وايد بس طلع الحمدلله كل شي تمام … طبعاً للحين ماعرف شو سبب الألم اللي ياني .. بس اللي صدمني نتيجة تحليل الدم نازل ل 9.4 
والحل خواتي ؟ ياريت آراءكم ونصايحكم دمي قاعد ينزل رغم كل اللي أسويه …
اعتمدي عليها بشكل كبير كل يوم
وخففي قهوة وشوكلت والمنبهات بشكل عام
وانتبهي وايد للحبوب الي تعطيج اياها الدكتورة من فيتامينات وحديد وكالسيوم
الله يقومج بالسلامة
أنا أعاني من نفس المشكله عندي فقر دم ماعني اكل سلطات وفواكه
واشرب عصاير لكن الحليب ما اقرب صوبه أحاول اعوض بالأجبان والألبان والكورن فلكس
الله يتمم لي ولكم على خير