من العنوان حابه اعرض لكم مشكلة ربيعتي وان شالله نلاقي حل لمشكلتها
من سنتين طرحت بهالقسم اني اعرف انو ريل ربيعتي يخونها لان كان من ربع ريلي
ولاني خفت حياتها ماخبرتها
لكن سبحان الله دار الزمن اوقصرمصير الحقيقه تبان وكل شي يظهر للعلن
المشكله بريلها مب ملتزم دينيا ويمكن هذا السبب اللي يخلي اغلبية الأزواج يخونون ويدمرون بيتوهم ويهدمون حياتهم
كلمتني وكانت في حالة انهيار شديد الله يكون بعونها ويهون عليها
من قبل فتره كشفت ان ريلها عندو حساب علفيس بوك مسوي بالخفيه وحلفلها ان هالحساب ما يعنيلواي شي وعندو من ايام العزوبيه
وهي ماصدقت بس مشت الموضوع لأجل عيالها الاثنين
وعقبها كشفت الحقيقه كامله المحترم مشترك بأكثر من موقع شات ومواقع شات جنسيه وكان عندو ايميلات بنات وعالياهومسوي اكثر من ايميل باسامي مختلفه ع
واجهتو المسكينه بالببدايه انكر وخبرها ان الموضوع كان حب فضول واستكشاف حتي وصل ان يكلم هالبنات ويأخذ ارقامهن مب وحده ولا ثنتين كان يكلم وايد بنات وحلفلها ان الموضوع ماتعدا اكثر من مكالمات عالتلفون وكان يستمتع وهو يسمع صواتهن ويعرف طلباتهن
وان كان الفضول يقتله ويعرف هالبنات شو كلامهم معو
واللحين هي ماتعرف شنو تسوي تطلق وتترك عيالها وخصوصا أنتو تدرون مافي ريال يكلم هالنوعيه من هالبنات من غير مايخونها معاهن يعني يوصل الموضوع للزنا والعياذ بالله لانو حلفلها انو ماقابل ولا حده
ولالمس وحده منهن وهي مب مصدقه وناويه تكلم اهلها وتطلق وهو مانعها ويقولها بدمرين حياتنا عسبة شات ونزوه وانتهت وانو يحبها وباقي عليها وانو ندمان ويطلب منها تسامحو وتفتح وياه صفحه جديده وهي اللحين ضايعه مابين شكوكها انو نام مع غيرها
مع العلم هي مب مقصره معو بشي ومهتمه بنفسها وبريلها ومايبان عليها انها عندها عيال ماشالله عليها جميله ومثقفه
بس الريايل جي عيونهم فارغه يتركو الحلال ويدورون الحرام حتي لو كلفهم الغالي شورو عليها وان شالله الله يكتبلها الصبر ويصبر كل وحده ابتلاها بريال ما يخاف الله
هي اللحين بتشارككم وتقرا ردودكم
يا كثر رياييل اللي يزنون و حريمهم بعد مثلهم ..
عيل هالكومة من الرياييل اللي يخونون بالزنا مع من يروحون ؟؟
مع حريم شراتهم ..
بس لان الريال خاش راسه تحت الارض و مشغول بحاله ما يشوف اللي حواليه
اللي فوق ما يخص ربيعتج و لا حد معين ..بس من اللي اسمع …
و ما يصير نعمم نقول :
بس الريايل جي عيونهم فارغه يتركو الحلال ويدورون الحرام حتي لو كلفهم الغالي
وايد رياييل يحترمون الحياة الزوجية و ما يقتربون من الزنا عافانا الله
و ريل ربيعتج ان مب متدين مب معناته يزني .. لان في شئ اسمه
احترام الطرف الآخر و أم العيال !! حتى لو مب ملتزم دينيا
================================
ان السالفة سوالف و ماشابه صح انه غلط بس ممكن بكل جدية توقف بويه و تقول
وقف عن هالسوالف او بتندم …
و لكن ان كان يزني لا سمح الله
تتركه عاجلا غير آجل ,, ان اهلها بيحطونها بعيونهم و لا تذل عمرها لريال
لا يخاف الله و لا يحترم العيشة و لا زوجته ام عياله
و غير ها ممكن ييب لها امراض هي في غنى عنه
لا تقول عيالي
باجر هالعيال بيكبرون و لا بيقولون بارك الله فيج امي تميتي مع ابونا الزاني
بالعكس يبتعدون عن ابو مثله و يعيشون ببيئة نظيفة ابرك لهم و مستقبلهم
الريال يتعوض
مشكلتها فعلا تجرح
لكن هي الحين انسانه مسؤولة عن طفلين
ولا زم تفكر فيهم
ولازم تعرف ان زوجها ان طلقها ما بيتم عازب
وحيتزوج وحيكون عنده عيال
وعياله منها حينساهم وحيلتهي بعيلته اليديده
وممكن هي بيوم من الايام يجيها نصيب وتتزوج
وما حد بيتشتت بهالموضوع كله الا الصغار
حرام والله حرام
ياما حريم ضحوا عشان خاطر عيون عيالهم
انا ما اقوللها ترضى بهالوضع
لكن اذا الريال اعتذر وقدملها كل الضمانات اللي تريدها في سبيل رجوعها ورضاها
فانا اقول الافضل انها ترجعله
ولو كانت ما عندها عيال كنت ممكن اقول غير جي
لكن دوم بالسالفة طفلين بريئين
فاقوللها ما في احد كامل وخير الخطائين التوابون
الله يكون بعونها انشالله ويفرج همها
علي الأقل هناك أمل بلآصلاح كونه متمسك ببيته ويعتذر ويحلف أنها مجرد مكالمات لعل كلامة صح آن لم يظهر العكس
تعطية فرصة وتطلب منه الآلتزام بطاعة الله أولا وأخير لعل الله يهدية ويرجع للطريق الصحيح آن كانت بداخله التوبة أن الله تواب رحيم
وتشوف كيف بتمشي حياتها ونسأل الله لها التوفيق وصلاح الحال والسعادة بالدارين