مسآئكم/صبآحكم دونآت بالسكر لاناقة المرأة

اشحآالكم حبآيب قلبي

عسآكم بخير يميع

ياهلا والله بالبنوتات الامورات

ماتحلى الجلسة الا بقهوة

هههههههههههه

بدخل فموضوعي ع طول وياليت القى حل عندكم يالغاليات

بنات انا توي ملكت ومقلبه ع زواج يعني عروس عندي مشكله وهو سمار وسواد فظهري غير عن لون جسمي واللي قاهرني انه ريلي من النوع لي يركز و يركز ع اي شي وانا وهو نحب بعض فابي اكون عنده احلى وحده

انا في عيب فلون ظهري وابي حل بليز انا جسمي افتح عن لون ظهري بكثييير وما اقدر البس لبس مفتوح من ورى وحتى فالاعراس دومي اخذ فساتين مسكره من ورى

نفس اللي فالصوره

بس الحين ما يصير الوضع تغير وصرت عروس ولازم البس عند ريلي لانجري وقمصان نوم واشياء مفتوحه من ورى والله العظيم اني شايله هم وايد وافكر كيف بيكون شكلي وانا بلبس قمصان النوم وظهري من ورى كيف بيكون شكله والسمار لي فيه واخاف ريلي يشوفه ويركز عليه لانه من النوع لي يركز ويقول فخاطره ظهرها اسود غير عن جسمها ويحس انه فيني عيب رغم اني اعرف ان السمار لي فالظهر عند ناس كثير بس كيف تخلصوا منه والله مدري كيف وابي اعرف

وعن نفسي ما اقد اروح مراكز وجلسات ومشاوير ولي اعرفه ان اقل جلسه ب 1500 وبيكلف اكثر وانا ما اضمن النتيجه ابي شي مجرب ومضمون وعن نفسي ما اقدر اروح جلسات ومراكز لانه بيكلفني وايد وانا مهري 45000الف مع الذهب والفستان والزهبه وكل شي وانتوا تعرفون ان 45ما تسوي شي الحين وكل شي نار

بنات بليز لي تعرف شي يبيض الظهر تقولي وما تبخل علي دخيلكم ساعدوني لاني واايد افكر ودومي اطالع ظهري فالمنظره وانقهر واقول فخاطري كيف بيروح هالسمار الله يخليكم وطول اعماركم ع طاعته ساعدوني

2- الكوع
عندي سمار فالكوع لي فرجولي بشكل موطبيعي يعني ما اقدر البس قصير ومتفشله ع نفسي

يا آلـــــــ سيدات اعمال الامارات

ابي البس قصير وتي شيرتات بس ما قدر من كوعي فبليز دورولي حل لتبيضهم

ابي ابيض منطقة ظهري والكوع والباط والاماكن الحساسه باختصار ابي اوحد لون بشرتي وابيض الاماكن السمره لي فيني

بليز لاتبخلون علي واتريا ردودكم ودورولي حل مضمون واكيد ميه بالميه بكون شاكره لكم كثيييييير

3-شعري

ابي اطول شعر ي بس مو عارفه كيف شعري مو طويل وريلي يحب الشعر الطويل ودومه يسالني عن طول شعري وانحرج واقوله انا شعري طويل بس دومي احشه واقصه لين كتوفي الحين صارلي سنه من قصيت شعري وما طول واصل لين مكان الستيان وشعري واااااايد يتساقط ويطيح بشكل موطبيعي وفيني قشره واطراف شعري تالفه من تحت ومقصفه فابي حل بليز لي تعرف شي يطول الشعر ويمنع التساقط والقشره تقولي ابي شي اكيد يطول ومضمون بليييز

وسامحوني ثقلت عليكم ولعوزتكم وياااي بس شسوي والله مجبوره استشيركم وانا بنوته ما عرف شي واكبر وحده فالبيت البكر وماعندي حد ولا عندي خلفيه

فاعتبركم انتم خواتي وابي شوركم ودعواتكم لي ربي ييسر امور زواجي

واصير احلى عروس فنظر زوجي

اتريا ردودكم ع حر من جمر وبليز دورولي حل للبياض ولطول شعري بليز
وجزاكم الله خير يارب