اللي تعرف تقولي الطريقه ولها الف خير
المهم …
تسوين صالونة الدياي العادية بس تحطين الدياي بدون عظم أحلى وتحطين "زهرة" و جزر
بعد ما يستوي الدياي تحطين خبز لبناني مقطع بس لا تكثرين لأنه بيتشربه وبتطلع ناشفة
أي سؤال أنا حاضره =)
اول شي تقصون الدياي اربع اقسام … وتقلونه بالزيت من الجهتين … بس عشان يتحمر
وعقب تقلون كل الخضار اللي تبونها .. مثلا جزر .. كوسا .. باذنجان .. بطاطا .. (( تقدرون تسوون الخضار بدون قلي بس المقلاي يعطي نكهه حلوووووووه للمرقوقة)
الحين تسوون صالونه عااااديه .. بصل وطماط وثوم وصلصة والبهارات … وتحطون الدياي عليها واخر شي الماي المقدار اللي تبونه … لين ينضى الدياي … وخلاف تعقون كل الخضار عليها والماجي والملح … وانا عن نفسي احط بازلا بعد …
الحين بالنسبة للخبز حـــــد يحط خبز لبناني …. حـــــــــد يحط خبز ايراني … حـــــــــــد يسويها بالطريقة التقليدية اللي هي عباره عن عجين مكونه من طحين وملح وماي … ترقينها وتقصصينها وتعقينها عالصالونه وهي تفور … خلاف خففي النار عشان العجين ينضى وعدلي الملح .. وبس ….. اذا سويتها قريب بصور الخطوات لكم .. بس ريلي يحبها بالخبز الايراني …….. روووعة الصراحة …….. اتمنى اكون افدتكم … تحياتي
المرقوقة او المقطعة او المحروق صبعه (صورة) —- جميع الطرق